વડોદરા- દુકાનોનુ સીલ ખોલવામાં ના આવે તો 80 વેપારીઓની સામૂહિક આત્મહત્યાની ચીમકી
April 19, 2024
વડોદરા- ઉંડેરા વિસ્તારમાં આવેલા કોમર્શિયલ કોમ્પ્લેક્સના ૮૦ જેટલા વેપારીઓએ ચાર વર્ષથી ફાયર એનઓસી નહીં અપાઈ રહ્યુ હોવાના કારણે સીલ મારવામાં આવેલી દુકાનો ખોલવામાં ના આવે તો પરિવાર સાથે સામૂહિક આત્મહત્યાની ચીમકી આપી છે.
આ વેપારીઓએ આજે એક પત્રકાર પરિષદમાં જણાવ્યુ હતુ કે, ઉંડેરા વિસ્તારમાં કંકાવટી ઓટ્રિયમ નામના કોમ્પ્લેક્સને ૨૦૦૮માં બાંધકામ માટે પરવાનગી આપવામાં આવી હતી.૨૦૧૧થી ૮૦ કરતા વધારે વેપારીઓ અહીંયા દુકાનો લઈને વ્યવસાય કરી રહ્યા છે.જે તે સમયે કોમ્પ્લેક્સનુ ફાયર એનઓસી કોમ્પ્લેકસના વહિવટકર્તાના નામે લેવાયુ હતુ.તેમનુ એપ્રિલ ૨૦૨૧માં અવસાન થયા બાદ ફાયર બ્રિગેડના અધિકારીઓએ જેમના નામનુ એનઓસી લેવાયુ છે તે હયાત નથી તેમ કહીને ફાયર એનઓસી રદ કરી નાંખવામાં આવ્યા હતા.
વેપારીઓએ આક્ષેપ કર્યો હતો કે, ફાયર એનઓસી રદ કર્યા બાદ ચાર વર્ષથી નવુ ફાયર એનઓસી અપાયુ નથી અને કોમ્પ્લેક્ષને સીલ કરી દેવાયુ છે.વેપારીઓ કોઈ પણ જાતની આવક વગર લોનના હપ્તા અને બીજો ટેક્સ ભરી રહ્યા છે.વેપારીઓએ કહ્યુ હતુ કે, કલેકટર કચેરી-કોર્પોરેશન અને ફાયર બ્રિગેડના અધિકારીઓના માનવા પ્રમાણે કોમ્પ્લેકસમાં કાયદા વિરુધ્ધનુ થોડુ બાંધકામ થયુ છે અને અમે નક્કી કર્યુ છે કે આ વાત સાચી હોય તો અમે દંડ ભરવા તૈયાર છે પણ અધિકારીઓ કોઈના દબાણમાં આવીને અમારી રજૂઆત સાંભળી રહ્યા નથી.ઉલટાનુ હવે કોમ્પલેકસને તોડવા માટે હિલચાલ થઈ રહી છે.જેની સામે અમે હાઈકોર્ટમાં જઈને સ્ટે પણ મેળવ્યો છે.
Related Articles
સુરતમાં કુંભાણીના વિરોધમાં પોસ્ટર વૉર, કાર્યકરોએ ફોટો પર ચઢાવ્યો સુખડનો હાર
સુરતમાં કુંભાણીના વિરોધમાં પોસ્ટર વૉર, ક...
ત્રણ દિવસ બાદ ગરમી વધતાં અગનભઠ્ઠી બની જશે:સૌરાષ્ટ્ર-કચ્છમાં હીટવેવ અકળાવી દેશે
ત્રણ દિવસ બાદ ગરમી વધતાં અગનભઠ્ઠી બની જશ...
May 02, 2024
વિરોધ રૂપાલા હોવો જોઈએ, આખા ભાજપનો કેમ? સંકલન સમિતિ સામે ઉઠ્યા સવાલ
વિરોધ રૂપાલા હોવો જોઈએ, આખા ભાજપનો કેમ?...
Apr 30, 2024
ગુજરાતમાં હજુ ચાર દિવસ કાળઝાળ ગરમી પડશે, હીટવેવની આગાહી
ગુજરાતમાં હજુ ચાર દિવસ કાળઝાળ ગરમી પડશે,...
Apr 30, 2024
કલોલમાં સૂર્યનારાયણ મંદિરમાં મૂર્તિઓ ખંડિત થતા હોબાળો, તપાસ શરૂ
કલોલમાં સૂર્યનારાયણ મંદિરમાં મૂર્તિઓ ખંડ...
Apr 30, 2024
સિવિયર હીટવેવની આગાહી:ગુજરાતમાં પાંચ દિવસમાં બેથી ત્રણ ડિગ્રી સુધી તાપમાન વધશે, ગરમીનો પારો 43 ડિગ્રી સુધી પહોંચી જશે
સિવિયર હીટવેવની આગાહી:ગુજરાતમાં પાંચ દિવ...
Apr 30, 2024
Trending NEWS
01 May, 2024
01 May, 2024
30 April, 2024
30 April, 2024
May 03, 2024