ઓપરેશન સિંદૂર પછી, પશ્ચિમ સરહદ પર પાકિસ્તાન દ્વારા ડ્રોન પ્રવૃત્તિમાં તીવ્ર વધારો જોવા મળ્યો છે. ભારતીય સેનાના જણાવ્યા અનુસાર, પાકિસ્તાન તરફથી અત્યાર સુધીમાં કુલ 791 ડ્રોન ઘૂસણખોરી નોંધાઈ છે, અને કુલ 801 ઘૂસણખોરીના પ્રયાસો થયા છે. જેમાંથી, ભારતીય સુરક્ષા દળો દ્વારા 237 ડ્રોનને તોડી પાડવામાં આવ્યા હતા.  જમ્મુ અને કાશ્મીરમાં આંતરરાષ્ટ્રીય સરહદ પર નવ અને પંજાબ અને રાજસ્થાનમાં આંતરરાષ્ટ્રીય સરહદ પર 782 ડ્રોન ઘૂસણખોરીનો સમાવેશ થાય છે.

સેનાના જણાવ્યા અનુસાર, પશ્ચિમી મોરચે સ્પૂફર્સ અને જામર જેવી આધુનિક એન્ટી-ડ્રોન સિસ્ટમ્સના અસરકારક ઉપયોગથી ડ્રોનના ખતરાને મોટાભાગે કાબુમાં લેવામાં આવ્યો છે. આ જ સમયગાળા દરમિયાન, ભારતીય સુરક્ષા દળોએ IB સેક્ટરમાં કુલ 237 ડ્રોનને તોડી પાડ્યા હતા.