Breaking News :
ઈરાનના શોપિંગ સેન્ટરમાં આગ : 8ના મોત, 36 લોકો ઘાયલ, શોર્ટ સર્કિટ કે અકસ્માતની આશંકાએ તપાસ શરૂ કાયદો અને વ્યવસ્થા કથળી: જલંધરમાં BSF હેડક્વાર્ટર અને અમૃતસરમાં આર્મી કેમ્પ પાસે શંકાસ્પદ બ્લાસ્ટ, NIA અને ફોરેન્સિક ટીમ હરકતમાં સંદેશખાલીમાં હિંસા ભડકી: સુરક્ષા દળો પર અંધાધૂંધ ફાયરિંગ અને બોમ્બમારામાં ત્રણ પોલીસકર્મી સહિત 5 લોહીલુહાણ 11 મેએ વડોદરામાં PM મોદીનો રોડ શો: 150 કરોડના ખર્ચે બનેલા સરદારધામ-3 ભવનનું કરશે લોકાર્પણ વોટ ચોરીના ગંભીર આક્ષેપ: ભાજપના દર 6 માંથી 1 સાંસદ ઘૂસણખોર હોવાનું રાહુલ ગાંધીનું નિવેદન અનામતનો લાભ છેવાડાના માનવી સુધી પહોંચાડવા UPSC પરીક્ષાની પસંદગી યાદીમાં મોટા ફેરફારની તૈયારી

અમેરિકાની ફરી મોટી કાર્યવાહી, ભારતની 4 કંપની પર પ્રતિબંધ મૂક્યો

February 25, 2025

અમેરિકાએ સોમવારે (24મી ફેબ્રુઆરી) ચાર ભારતીય કંપનીઓ પર પ્રતિબંધો લાદ્યા. અમેરિકાની આ કાર્યવાહીમાં ભારત સહિત ઈરાનની 16 કંપનીઓ પર પ્રતિબંધ લગાવવામાં આવ્યો છે. ભારતીય કંપનીઓ પર પ્રતિબંધ મૂકવાનું કારણ ઈરાનના તેલ અને પેટ્રોકેમિકલ ઉદ્યોગમાં તેમની કથિત સંડોવણી છે. અમેરિકાના નાણા મંત્રાલય દ્વારા જાહેર કરાયેલા નિવેદન અનુસાર, પ્રતિબંધિત ભારતીય કંપનીઓમાં ઓસ્ટિનશિપ મેનેજમેન્ટ પ્રા.લિ., બીએસએમ મરીન એલએલપી, કાસમોસ લાઈન્સ ઈન્ક અને ફ્લક્સ મેરીટાઇમ એલએલપીનો સમાવેશ થાય છે. ચોથી ફેબ્રુઆરીએ અમેરિકન પ્રમુખ ડોનાલ્ડ ટ્રમ્પ દ્વારા રાષ્ટ્રીય સુરક્ષા મેમોરેન્ડમ જાહેર કર્યા પછી, ઈરાની તેલના વેચાણને લક્ષ્ય બનાવતા પ્રતિબંધોનો આ બીજો તબક્કો છે. અમેરિકાના પ્રતિબંધો પાછળનું કારણ ઈરાન પર મહત્તમ દબાણ લાવવાનું છે. અહેવાલો અનુસાર, અમેરિકા ઈરાનના તેલ અને પેટ્રોકેમિકલ ઉદ્યોગ સાથેના સંબંધો બદલ 16 કંપનીઓ અને જહાજો પર પ્રતિબંધ મૂકી રહ્યું છે. આ ગેરકાયદે શિપિંગ નેટવર્ક ઈરાની તેલના લોડિંગ અને પરિવહનમાં તેની ભૂમિકા છુપાવીને એશિયામાં ખરીદદારો સાથે છેતરપિંડી કરી રહ્યું હતું. ઈરાનને તેની આતંકવાદી પ્રવૃત્તિઓને નાણાં આપવા માટે તેલની આવકનો ઉપયોગ કરતા અટકાવવા માટે યુનાઇટેડ સ્ટેટ્સ આવા પગલાં લેવાનું ચાલુ રાખશે.