કઝાકિસ્તાનમાં પોતાનું પ્લેન ક્રેશ થયા બાદ અઝરબૈજાને મોટું પગલું ભર્યું છે. અઝરબૈજાને રશિયા માટે તેની તમામ ફ્લાઈટ્સ સ્થગિત કરી દીધી છે. એરલાઇન્સે શુક્રવારે રશિયાના કેટલાક એરપોર્ટ પર ફ્લાઇટ્સ સ્થગિત કરવાની જાહેરાત કરી હતી. કંપનીએ તેનું એક વિમાન ક્રેશ થયા પછી સંભવિત ફ્લાઇટ સલામતી જોખમોને ટાંકીને આ જાહેરાત કરી હતી. ઘણા નિષ્ણાતોએ આ દુર્ઘટના માટે રશિયન એર ડિફેન્સ સિસ્ટમની નિષ્ફળતાને જવાબદાર ઠેરવી હતી.

રશિયાના અધિકારીઓએ સત્તાવાર તપાસ પૂર્ણ ન થાય ત્યાં સુધી દુર્ઘટનાના સંભવિત કારણ વિશે માહિતી જાહેર કરી ન હતી, પરંતુ અઝરબૈજાનના એક ધારાસભ્યએ અકસ્માત માટે મોસ્કોને જવાબદાર ઠેરવ્યો હતો. રસિમ મુસાબેકોવે ગુરુવારે અઝરબૈજાનની તુરાન ન્યૂઝ એજન્સીને જણાવ્યું હતું કે ગ્રોઝનીના આકાશમાં વિમાન પર ગોળીબાર કરવામાં આવ્યો હતો.