અમેરિકા બાદ હવે ભારતનો પાડોશી દેશ મોરેશિયસમાં સત્તા પરિવર્તન થવાનું છે. સંસદીય ચૂંટણીમાં વડાપ્રધાન પ્રવિંદ જુગનાથના ગઠબંધન એલ'એલાયન્સ લેપેપને હારનો સામનો કરવો પડ્યો છે. અલાયન્સ ઓફ ચેન્જના નેતા નવીન રામગુલામ (77) હિંદ મહાસાગરના આ દ્વીપસમૂહના આગામી નેતા બનવા જઈ રહ્યા છે. ત્યારે આ અવસરે પીએમ મોદીએ

નવીન રામગુલામ સાથે વાત કરી અને સંસદીય ચૂંટણીમાં તેમની જીત બદલ તેમને અભિનંદન પાઠવ્યા હતા. સાથે જ જણાવ્યું કે તેઓ બંને દેશો વચ્ચેની 'વિશેષ અને અનન્ય ભાગીદારી'ને આગળ વધારવા માટે તેમની સાથે મળીને કામ કરવા આતુર છે.

PM મોદીએ સોશિયલ મીડિયા પ્લેટફોર્મ 'X' પર એક પોસ્ટમાં કહ્યું, મારા મિત્ર નવીન રામગુલામ સાથે ઉષ્માભરી વાતચીત થઇ અને તેમને ચૂંટણીમાં ઐતિહાસિક જીત બદલ અભિનંદન પાઠવ્યા. મેં તેમને મોરેશિયસનું નેતૃત્વ કરવામાં સફળતાની શુભેચ્છા પાઠવી હતી અને તેમને ભારતની મુલાકાત લેવા આમંત્રણ આપ્યું હતું. પ્રધાનમંત્રીએ કહ્યું હું અમારી વિશેષ અને અનન્ય ભાગીદારીને વધુ મજબૂત કરવા માટે સાથે મળીને કામ કરવા આતુર છું.