સરહદ પર ચીનની નાપાક ગતિવિધિઓથી બધાં વાકેફ છે. ડ્રેગન તેની વિસ્તરણવાદની નીતિ કારણે દરેક પડોશી દેશ સાથે સરહદ વિવાદમાં ફસાયેલો છે. હવે ચીને એવું પગલું ભર્યું છે જે ઘણાં દેશો માટે ચિંતાનો વિષય છે. ચીને લોખંડનને ઓગાળી નાખે એવું લેસર બીમ ડ્રોન તૈયાર કર્યું છે. આ લેસર બીમ ડ્રોનથી દુશ્મનોના હથિયારોને ઓગાળી શકાય છે. એટલું જ નહીં, યુદ્ધ દરમિયાન તેની મદદથી અન્ય દેશોના સૈનિકોના ચહેરા અને આંખોને નુકસાન પહોંચાડી શકે છે. અહેવાલો અનુસાર, ચીને આ ખતરનાક લેસર બીમ ડ્રોનનો વીડિયો જાહેર કર્યો છે. આ વીડિયો જોયા બાદ ભારત અને અમેરિકા સહિત ઘણા દેશો ચિંતામાં છે. જો ચીન આ લેસર ડ્રોનનો ઉપયોગ કોઈપણ દેશ સાથેના યુદ્ધમાં કરે છે તો તેની ભયાનકતાનો અંદાજ એ વાત પરથી લગાવી શકાય છે કે તે હથિયારો અને મિસાઈલો કરતાં અનેકગણું ખતરનાક હશે. માત્ર 1080 નેનોમીટરની તરંગલંબાઇ ધરાવતું ઇન્ફ્રારેડ લેસર માત્ર પાંચ માઇક્રોવોટની શક્તિથી અંધાપાનું કારણ બની શકે છે. આ સૈનિકોની આંખોને નુકસાન કરનાર લેસરની તીવ્રતા આના કરતા 20 કરોડ ગણી વધારે છે. તે ચોરસ સેન્ટીમીટર દીઠ એક કિલોવોટના ઇન્ફ્રારેડ લેસરનું ઉત્સર્જન કરે છે. તે હાડકાંને પણ બાળીને રાખ બનાવી શકે છે.