રાજસ્થાનના જયપુર જિલ્લાના ચૌમુ વિસ્તારમાં કોમી તણાવની ગંભીર ઘટના સામે આવી છે. બસ સ્ટેન્ડ નજીક આવેલી એક મસ્જિદની બહાર પડેલા પથ્થરોને હટાવવાના મુદ્દે બે સમુદાયો વચ્ચે વિવાદ થયો હતો. આ વિવાદ ધીમે ધીમે ઉગ્ર બનતા વિસ્તારમાં હિંસા ફાટી નીકળી હતી.

મધ્યરાત્રિના સમયગાળામાં તણાવ વધી જતા સ્થાનિક લોકોએ એકત્ર થઈ વિરોધ શરૂ કર્યો. પરિસ્થિતિને કાબુમાં લેવા માટે પોલીસ ઘટનાસ્થળે પહોંચી હતી, પરંતુ ટોળાએ પોલીસ પર પથ્થરમારો શરૂ કરી દીધો. આ હુમલામાં અનેક પોલીસ અધિકારીઓ ઘાયલ થયા હોવાનું જાણવા મળ્યું છે.