મેક્સિકો : અમેરિકાના નવનિયુક્ત રાષ્ટ્ર પ્રમુખ ડોનાલ્ડ ટ્રમ્પ 20 જાન્યુઆરી, 2025ના દિવસે શપથ ગ્રહણ કરશે. શપથ ગ્રહણ કર્યા બાદ અમેરિકાના ટ્રમ્પે અમેરિકાના ઈતિહાસમાં સૌથી મોટો નિર્ણ લેવાનો સંકલ્પ કર્યો છે. જેની તૈયારી માટે ICE (U.S. Immigration and Customs Enforcement)ના દેશનિકાલા (Deportation) માટે લગભગ 15 લાખ વ્યક્તિઓની યાદી તૈયારી કરી છે. તેમાંથી લગભગ 18 હજાર ભારતીય નાગરિકનો આ યાદીમાં સમાવેશ કરવામાં આવ્યો છે. આ 18 હજાર ભારતીયોના માથે દેશનિકાલાની તલવાર લટકી છે.

નવેમ્બર, 2024માં રજૂ કરવામાં આવેલા ICE ના અનુસાર, અમેરિકામાં અંતિમ દેશનિકાલાના આદેશ સાથે 15 લાખ વ્યક્તિઓમાંથી 17, 940 ભારતીયો સામેલ છે.  Pew Research Center ના ડેટા અનુસાર, અમેરિકામાં લગભગ 7,25,00 ગેરકાયદેસર ઇમિગ્રન્ટ ભારતીય છે. જે મેક્સિકો અને અલ સાલ્વાડોરની પછી ત્રીજા નંબરની સૌથી મોટી ગેરકાયદેસર ઇમિગ્રન્ટની વસતી બની ગઈ છે. નોંધનીય છે કે, ઓક્ટોબરમાં આ ડેટા જાહેર થયા તે પહેલા, અમેરિકાએ દેશમાં ગેરકાયદેસર રીતે રહેતા ભારતીય નાગરિકોના દેશનિકાલ માટે ચાર્ટર્ડ ફ્લાઇટનો ઉપયોગ કર્યો હતો. હોમલેન્ડ સિક્યુરિટી વિભાગના જણાવ્યા અનુસાર, 22 ઓક્ટોબરે ભારત મોકલવામાં આવેલી ફ્લાઇટનું આયોજન ભારત સરકારના સહયોગથી કરવામાં આવ્યું હતું.

છેલ્લા ત્રણ નાણાકીય વર્ષોમાં ગેરકાયદેસર રીતે અમેરિકાની સરહદો પાર કરવાનો પ્રયાસ કરતી વખતે સરેરાશ 90,000 ભારતીયોની ધરપકડ કરવામાં આવી હતી. સ્થાનિક ઇમિગ્રેશન નિષ્ણાતોના જણાવ્યા મુજબ, આમાંથી મોટાભાગના પંજાબ, ગુજરાત અને આંધ્રપ્રદેશના ભારતીયો છે.