Breaking News :
ઈરાનના શોપિંગ સેન્ટરમાં આગ : 8ના મોત, 36 લોકો ઘાયલ, શોર્ટ સર્કિટ કે અકસ્માતની આશંકાએ તપાસ શરૂ કાયદો અને વ્યવસ્થા કથળી: જલંધરમાં BSF હેડક્વાર્ટર અને અમૃતસરમાં આર્મી કેમ્પ પાસે શંકાસ્પદ બ્લાસ્ટ, NIA અને ફોરેન્સિક ટીમ હરકતમાં સંદેશખાલીમાં હિંસા ભડકી: સુરક્ષા દળો પર અંધાધૂંધ ફાયરિંગ અને બોમ્બમારામાં ત્રણ પોલીસકર્મી સહિત 5 લોહીલુહાણ 11 મેએ વડોદરામાં PM મોદીનો રોડ શો: 150 કરોડના ખર્ચે બનેલા સરદારધામ-3 ભવનનું કરશે લોકાર્પણ વોટ ચોરીના ગંભીર આક્ષેપ: ભાજપના દર 6 માંથી 1 સાંસદ ઘૂસણખોર હોવાનું રાહુલ ગાંધીનું નિવેદન અનામતનો લાભ છેવાડાના માનવી સુધી પહોંચાડવા UPSC પરીક્ષાની પસંદગી યાદીમાં મોટા ફેરફારની તૈયારી

UN માં યુક્રેન યુદ્ધ મામલે અમેરિકાએ ચોંકાવ્યા, રશિયાને કર્યો ટેકો, ભારત મતદાનથી દૂર રહ્યું

February 25, 2025

યુક્રેન અને રશિયા વચ્ચેનું યુદ્ધ અટકાવવા માટે સંયુક્ત રાષ્ટ્રની સિક્યોરિટી કાઉન્સિલ (UNSC) માં એક પ્રસ્તાવ રજૂ કરવામાં આવ્યો હતો. જેના પર વોટિંગ કરીને બંને દેશો વચ્ચેનું યુદ્ધ તાત્કાલિક રોકવાનો નિર્ણય લેવામાં આવ્યો હતો. UNGAમાં એક પ્રસ્તાવ યુરોપિયન દેશો અને એક પ્રસ્તાવ અમેરિકા લાવ્યો હતો જે લાંબી ચર્ચા બાદ પસાર કરાયા. આ ઉપરાંત અમેરિકાએ UNSCમાં પણ એક પ્રસ્તાવ રજૂ કર્યો જેમાં યુદ્ધને તાત્કાલિક રોકવાની અપીલ કરવામાં આવી હતી. જોકે આ તમામ કાર્યવાહી દરમિયાન ભારતે UNGAમાં રજૂ કરાયેલા બંને પ્રસ્તાવ પર મતદાન નહોતું કર્યું. જોકે અમેરિકા આ મામલે ચોંકાવતા રશિયાની તરફેણમાં રહ્યું હતું. આ પ્રસ્તાવ  15 સભ્યોની સંયુક્ત રાષ્ટ્ર સુરક્ષા પરિષદે પસાર કર્યો હતો, જેમાં 10 સભ્યોએ તરફેણમાં મતદાન કર્યું હતું અને ફ્રાન્સ સહિત પાંચ દેશો મતદાનથી દૂર રહ્યા હતા. અત્યાર સુધી, UNSC યુદ્ધ પર કોઈ કાર્યવાહી કરવામાં અસમર્થ રહ્યું છે કારણ કે રશિયા અને તેના સાથીઓ કોઇપણ પ્રસ્તાવને વીટો કરી દેતા હતા. જોકે આ વખતે આ પ્રસ્તાવ અમેરિકા દ્વારા રજૂ કરવામાં આવ્યો હતો, જેના પર વીટો પાવર ધરાવતા ફ્રાન્સ સિવાય બ્રિટન, ડેનમાર્ક, ગ્રીસ અને સ્લોવેનિયા જેવા દેશોએ મતદાનમાં ભાગ લેવાનો ઇનકાર કર્યો હતો.