બિહારમાં વરસાદના આગમન સાથે એક તરફ લોકોને ગરમીથી રાહત મળી છે, તો બીજી તરફ સતત ભારે વરસાદે આફત ઉભી કરી છે. ખાસ કરીને ગયા જિલ્લામાં ધોધમાર વરસાદને કારણે ફલ્ગુ નદીનું જળસ્તર વધી ગયું છે. નદીના પાણીનું સ્તર વધવા લાગ્યુ જેના કારણે પૂર્વીય તટ પર ઘણા લોકો ફસાઈ ગયા હતા.

આ ગંભીર સ્થિતિને જોતા NDRFની ટીમને હાજર રહેવા આદેશ કરાયા છે. બોટ દ્વારા ઘણા લોકોને સુરક્ષિત બહાર કાઢવામાં આવ્યા છે.  ભારે વહેણને કારણે ફલ્ગુ નદીની બંને સહાયક નદીઓ મહાત્મા નદી અને લોકાયિક નદી બંને તોફાને ચડી છે. જળ સ્તર રેડ ઝોનમાં આવી ગયું છે. જેનાથી આજુબાજુના વિસ્તારોમાં પુરની સ્થિતિ સર્જાઈ છે.

પટના જિલ્લાા દનિયાવાં પ્રખંડમાં ત્રણ જગ્યાએ અને ફતુહા પ્રખંડમાં બે જગ્યા પર પુલ તૂટી ગયા છે. જેને જોતા ઘણા ગામોંના ખેતરોમાં પાણી ભરાઈ ગયા છે અને કેતીને પણ ભારે નુકસાન થયુ છે. ઘણા એકર જમીન પાણીમાં ડુબી ગઈ છે, જેનાથી ખેડૂતોની ચિંતામાં વધારો થયો છે.