એડિલેડ: ઓસ્ટ્રેલિયામાં એડિલેડના રૉયસ્ટન પાર્કમાં પોલીસ સાથેની અથડામણ દરમિયાન ગંભીર રૂપે ઈજાગ્રસ્ત થયેલા ભારતીય મૂળના 42 વર્ષીય નાગરિક ગૌરવ કુંદીનું મોત નિપજ્યું છે. આ ઘટના ઓસ્ટ્રેલિયાની પોલીસ દ્વારા કથિત રીતે વધુ પડતો બળ પ્રયોગ કરવાને લઈને ગંભીર ચિંતા ઊભી કરે છે. 29 મેની સવારે થયેલી આ ઘટના બાદ 13 જૂને રૉયલ એડિલેડ હોસ્પિટલમાં ગૌરવનું મોત નિપજ્યું અને તેની તુલના અમેરિકામાં જૉર્જ ફ્લૉયડના કેસ સાથે થવા લાગી છે. 
ગૌરવ કુંદીને કથિત રૂપે પોલીસ અધિકારીઓએ જમીન પર પટક્યો હતો, જોકે તેની સાથી અમૃતપાલ કૌરે તેનો વીડિયો રેકોર્ડ કરી લીધો હતો. ફૂટેજમાં કુંદી પોતે નિર્દોષ હોવાનું કહી વિરોધ કરી રહ્યો હતો. તે બૂમો પાડી રહ્યો હતો કે, 'મેં કંઈ ખોટું નથી કર્યું'.

અમૃતપાલ કૌરના જણાવ્યા અનુસાર, એક અધિકારીએ કથિત રૂપે ગૌરવ કુંદીની ગરદન પર પોતાના ઘૂંટણ મૂક્યા. તેમણે એવો પણ આરોપ લગાવ્યો કે, ઝપાઝપી દરમિયાન કુંદીનું માથું પોલીસ વાહન સાથે અથડાયું. જોકે, મેં ગભરાહટમાં રેકોર્ડિંગ બંધ કરી દીધું અને તે ક્ષણ રેકોર્ડ ન કરી શકાઈ.

કમિશનરની તપાસ અનુસાર, અત્યાર સુધી સમીક્ષા કરવામાં આવી છે કે, બૉડીકેમ ફૂટેજથી કથિત રૂપે જાણ થાય છે કે, ક્યારેય ગૌરવ કુંદીની ગરદન પર ઘૂંટણ રાખવામાં નથી આવ્યો, ન તો તેનું માથું વાહન અથવા રસ્તા પર જબરદસ્તી દબાવવામાં આવ્યું છે. ગૌરવ કુંદીએ કથિત રૂપે પોલીસ સાથે હિંસક વિરોધ કર્યો હતો, જેના કારણે તેમના અને કૌર વચ્ચે કથિત વિવાદમાં હસ્તક્ષેપ કરવામાં આવ્યો હતો.