પશ્ચિમ એશિયામાં તણાવ હજુ વધવાના સંકેત મળી રહ્યા છે. જેમાં ઇરાને અમેરિકાને ખુલ્લી ચેતવણી આપી છે કે જો ઈરાની નેતાઓ પર હુમલા ચાલુ રહેશે તો પશ્ચિમ એશિયામાં અમેરિકન કંપનીઓ પર હુમલા કરવામાં આવશે. ઇસ્લામિક રિવોલ્યુશનરી ગાર્ડ કોર્પ્સના નિવેદનથી આ વિસ્તારમાં તણાવ વધ્યો છે. તેમજ  કંપનીના કર્મચારીઓને તેમની ઓફિસો ખાલી કરવાની ચેતવણી આપવામાં આવી છે.

ઈરાને 1 એપ્રિલથી પશ્ચિમ એશિયામાં અમેરિકન કંપનીઓને નિશાન બનાવવાની ધમકી આપી છે. IRGC એ માઇક્રોસોફ્ટ, ગૂગલ અને એપલ સહિત અનેક  કંપનીઓના નામ આપ્યા છે. તેણે કહ્યું છે કે દરેક હુમલાના બદલામાં આ કંપનીઓની સુવિધાઓનો નાશ કરવામાં આવશે. કર્મચારીઓને તેમની ઓફિસો ખાલી કરવાની ચેતવણી પણ આપવામાં આવી છે.ઈરાને સ્પષ્ટપણે જણાવ્યું છે કે અમેરિકન કંપનીઓની સુવિધાઓ પર હુમલાઓ તેહરાન સમય મુજબ રાત્રે 8:00 વાગ્યા પછી શરૂ થઈ શકે છે. જે 1 એપ્રિલથી શરૂ થશે. ભારતીય  મુજબ આ સમય રાત્રે 10:30 વાગ્યાનો છે.

ઇરાને અમેરિકન કંપનીઓ માઇક્રોસોફ્ટ, ગુગલ, એપલ, ઇન્ટેલ, આઇબીએમ, ટેસ્લા, બોઇંગ, ડેલ ટેક્નોલોજીસ, હેવલેટ-પેકાર્ડ, સિસ્કો, ઓરેકલ, મેટા પ્લેટફોર્મ્સ (ફેસબુક, વોટ્સએપ, ઇન્સ્ટાગ્રામ), જેપી મોર્ગન ચેઝ, જનરલ ઇલેક્ટ્રિક જેવી કંપનીઓ નામ જાહેર કર્યા છે. આના પરથી સ્પષ્ટ છે કે ઈરાન હવે આ લડાઈ  અમેરિકાને ઘેરવા અનેક મોરચે શરૂ કરવાની તૈયારીમાં છે.