Breaking News :
ખુલતાની સાથે શેરબજારમાં ભારે કડાકો, સેન્સેક્સ 1000 અને નિફ્ટી 300થી વધુ તૂટ્યા, રોકાણકારોના 6 લાખ કરોડ સ્વાહા સુપ્રીમ કોર્ટમાં ચૂંટણી પંચના નિર્ણય રદ કરવાની અરજી, ફોર્મ-6 અને ECINet ડેટાની ફોરેન્સિક તપાસની માંગ કરાઈ ઉત્તરાખંડમાં ભારે વરસાદથી ચારધામ યાત્રાને અસર, 15 હજાર યાત્રિકો અટવાયા; કેદારનાથથી 1200 શ્રદ્ધાળુઓનું રેસ્ક્યૂ ઉજ્જૈનમાં શાહી મસ્જિદનો હિસ્સો હટાવતાં પથ્થરમારો, પોલીસે ટિયર ગેસ છોડ્યો, રેપિડ એક્શન ફોર્સ તૈનાત 28થી 30 સપ્ટેમ્બરની બેન્ક હડતાળ રદ, યુનિયનો-એસોસિએશન વચ્ચે સમજૂતીથી બેન્કો રાબેતા મુજબ ચાલુ રહેશે આણંદ-બોરસદ રોડ પર રિસોર્ટ નજીક પૂરઝડપે બે બાઇક અથડાતાં 3 યુવાનોના મોત, 3 યુવાનો ગંભીર ઇજાગ્રસ્ત

ઝારખંડમાં JSSC 2022 જુનિયર એન્જિનિયર ભરતી પેપર લીક કેસમાં 6 આરોપીની ધરપકડ

August 12, 2026

ઝારખંડમાં ભરતી પરીક્ષામાં ગેરરીતિની ફરિયાદ બાદ સરકાર એક્શન મોડમાં આવી છે. ઝારખંડ સ્ટાફ સિલેક્શન કમિશન દ્વારા 3 જુલાઈ 2022ના રોજ લેવાયેલી જુનિયર એન્જિનિયર ભરતી પરીક્ષાના પેપર લીક કેસમાં સ્પેશિયલ ઇન્વેસ્ટિગેશન ટીમે મોટી સફળતા મેળવી છે. દિલ્હી સ્થિત ટેસ્ટિંગ એજન્સી બાયન્સિસ ટેક્નોલોજીસ પ્રાઇવેટ લિમિટેડના મેનેજર સહિત 6 લોકોની ધરપકડ કરાઈ છે.

ધરપકડ કરાયેલા આરોપીઓમાં એજન્સીના મેનેજર કૃષ્ણ કુમાર, ભૂતપૂર્વ ઉમેદવારો રણજિત મંડલ, દીપક કુમાર, અભિષેક કુમાર અને દીપક શ્રીવાસ્તવનો સમાવેશ થાય છે. તમામ આરોપીઓની JSSC 2022 પેપર લીક કેસમાં કથિત સંડોવણીના આરોપસર ધરપકડ કરાઈ છે. આ સમગ્ર પેપર લીક નેટવર્કની તપાસ ચાલી રહી છે અને બધા આરોપીઓને ન્યાયિક કસ્ટડીમાં મોકલાયા છે.

આ દરમિયાન એજન્સીના ડિરેક્ટર-કમ-મેનેજર અરુણ કુમાર જે આ કેસમાં ફરાર હતા તેમની પણ મુંબઈમાં ધરપકડ કરાઈ છે અને ન્યાયિક કસ્ટડીમાં મોકલાયા છે. અધિકારીઓ હવે તેમની પૂછપરછ કરી રહ્યા છે જેથી પેપર લીક નેટવર્કની સંપૂર્ણ વિગતો અને તેમાં સામેલ અન્ય લોકોની ભૂમિકા ઉજાગર થઈ શકે.

ઉલ્લેખનીય છે કે આ પરીક્ષા 1279 જગ્યાઓ પર ભરતી માટે લેવાઈ હતી. પરીક્ષા શરૂ થાય તે પૂર્વે જ પ્રશ્નપત્ર અને તેના જવાબો લીક થયા હતા. તપાસમાં બહાર આવ્યું છે કે પ્રશ્નોના જવાબો કથિત રીતે અગાઉથી ઉપલબ્ધ કરાવી ઉમેદવારોને આપવામાં આવ્યા હતા. આ મામલે વધુ તપાસ ચાલુ છે.