ગુજરાત પોલીસ વિભાગમાં આગામી સમયમાં મોટા ફેરફારોની અટકળો ચાલી રહી હતી. ત્યારે છેલ્લી ઘડીએ ગુજરાત સરકારે રાજ્યના સૌથી વરિષ્ઠ IPS અધિકારી અને વર્તમાન પોલીસ વડા (DGP) વિકાસ સહાયને ત્રણ મહિનાનું એક્સટેન્શન આપ્યું છે. ઉલ્લેખનીય છે કે પોલીસ વિભાગે તેમની વિદાયની તૈયારીઓ શરુ કરી દીધી હતી.

આઇપીએસ વિકાસ સહાય હાલમાં ગુજરાતના પોલીસ વડા (DGP) તરીકે ફરજ બજાવી રહ્યા હતા અને આજે 30 જૂન, 2025ના રોજ તેમનો કાર્યકાળ પૂર્ણ થઈ રહ્યો હતો. વિકાસ સહાય 1989 બેચના IPS અધિકારી છે અને તેમણે ગુજરાતમાં વિવિધ મહત્વપૂર્ણ હોદ્દાઓ પર સેવા આપી છે, જેમાં રક્ષા શક્તિ યુનિવર્સિટીની સ્થાપનામાં તેમની ભૂમિકા નોંધપાત્ર રહી છે.