ગુગલની બહુ ચર્ચિત ગૂગલ URL Shortener કે જે લાંબી લિંને નાની અને શેર કરવામાં સરળ બનાવવા માટે તૈયાર કરાઇ હતી. પરંતુ ઓગષ્ટ 25,2025થી તે સંપૂર્ણ રીતે બંધ થઇ જશે. જો કે આ સર્વિસને ગૂગલ 2018માં જ બંધ કરવાની જાહેરાત કરી હતી પરંતુ અત્યાર સુધી goo.gl લિંક પર કામ કરી રહ્યા હતા. પરંતુ હવે તે પણ બંધ થઇ જશે.

23 ઓગસ્ટ, 2024 થી, જ્યારે પણ કોઈ વપરાશકર્તા goo.gl લિંક પર ક્લિક કરે છે, ત્યારે તેને એક ચેતવણી સંદેશ દેખાય છે જે જણાવે છે કે આ લિંક ટૂંક સમયમાં બંધ થઈ જશે અને 25 ઓગસ્ટ, 2025 થી આવી બધી લિંક્સ કામ કરવાનું બંધ કરી દેશે અને ક્લિક કરવાથી સીધું 404 એરર પેજ ખુલશે.

આ એક એવી સર્વિસ હતી કે જેનાથી કોઈપણ લાંબા URL ને સોશિયલ મીડિયા, ઇમેઇલ અથવા વેબસાઇટ્સ પર ટૂંકી લિંક (જેમ કે goo.gl/xyz123) બનાવીને સરળતાથી શેર કરી શકાતું હતું. પરંતુ હવે સમય જતાં તેના ઉપયોગમાં ભારે ઘટાડો થયો છે. અહેવાલો અનુસાર, જૂન 2024 સુધીમાં, 99% goo.gl લિંક્સ પર કોઈ પ્રવૃત્તિ નહોતી.