ભારતીય ક્રિકેટ ટીમે ટી20 વર્લ્ડ કપના ઇતિહાસમાં એક નવો અધ્યાય લખ્યો છે. ટીમે માત્ર ટ્રોફી જ નથી જીતી, પરંતુ એવા અનેક રેકોર્ડ્સ પોતાના નામે કર્યા છે જે અત્યાર સુધી કોઈ પણ દેશ કરી શક્યો નથી. ભારતે આ જીત સાથે ક્રિકેટ જગતમાં પોતાનું વર્ચસ્વ સાબિત કર્યું છે.

ભારત હવે વિશ્વની પ્રથમ એવી ટીમ બની ગઈ છે જેણે ત્રણ વખત ટી20 વર્લ્ડ કપનો ખિતાબ જીત્યો હોય. આ પહેલા કોઈ પણ ટીમ ત્રણ વાર ચેમ્પિયન બની શકી નહોતી, જે દર્શાવે છે કે આ ફોર્મેટમાં ભારતનું પ્રદર્શન કેટલું સાતત્યપૂર્ણ રહ્યું છે

આ જીત વધુ ખાસ એટલા માટે છે કારણ કે ભારત લગાતાર બીજી વાર ટી20 વર્લ્ડ કપ જીતનારી વિશ્વની પ્રથમ ટીમ બની છે. ટી20 જેવા અનિશ્ચિત ફોર્મેટમાં સતત બે વાર ચેમ્પિયન બનવું એ ટીમની મજબૂતી અને ખેલાડીઓના સંકલ્પનું પરિણામ છે.

ક્રિકેટમાં કહેવાય છે કે ઘરઆંગણે રમવાનું દબાણ ઘણું વધારે હોય છે, પરંતુ ભારતે આ દબાણને તકમાં બદલી નાખ્યું. ભારત પોતાના જ દેશમાં  ટી20 વર્લ્ડ કપ જીતનારી દુનિયાની પ્રથમ ટીમ બની છે. પ્રેક્ષકોના જોરદાર સમર્થન વચ્ચે આ જીત ખરેખર યાદગાર બની રહી છે.