વિરાટ કોહલીએ T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. વિરાટ કોહલી લાંબા સમયથી ભારતની T20 ટીમ માટે ચેઝ માસ્ટર હતો. તેણે 2024 T20 વર્લ્ડ કપની ફાઇનલ સુધી T20 આંતરરાષ્ટ્રીય ક્રિકેટ રમ્યો હતો. ત્યારથી, ચેઝ માસ્ટરનું સ્થાન ખાલી છે, પરંતુ ડાબોડી બેટર તિલક વર્માએ આ સ્થાન લીધુ છે. આંકડા દર્શાવે છે કે તિલક વર્મા હવે T20 આંતરરાષ્ટ્રીય ક્રિકેટમાં વિરાટ કોહલી અને એમએસ ધોની બંને કરતાં વધુ સારા ચેઝ માસ્ટર છે. ટી20 આંતરરાષ્ટ્રીય ક્રિકેટમાં રન ચેઝમાં ઓછામાં ઓછા 500 રન બનાવનારા બેટરોમાં તિલક વર્મા સૌથી વધુ સરેરાશ ધરાવે છે. ફુલ મેમ્બર નેશનમાં વિરાટ કોહલી ટી20 આંતરરાષ્ટ્રીય રન ચેઝમાં 67.1ની સરેરાશ સાથે યાદીમાં ટોચ પર હતો, પરંતુ તિલક વર્માએ તેમને પાછળ છોડી દીધા છે. ટી20 આંતરરાષ્ટ્રીય રન ચેઝમાં તિલક વર્માનો સરેરાશ હવે 68 છે. યાદીમાં ત્રીજા સ્થાને એમએસ ધોની છે, જેમણે આ ફોર્મેટમાં બીજી ઇનિંગ્સમાં 47.71 ની સરેરાશ સાથે રન બનાવ્યા હતા. યાદીમાં ચોથા સ્થાને દક્ષિણ આફ્રિકાના જે.પી. ડુમિની છે, જેમણે 45.55ની સરેરાશ સાથે રન બનાવ્યા હતા. ટી20 આંતરરાષ્ટ્રીય રન ચેઝમાં 44.93ની સરેરાશ સાથે કુમાર સંગાકારા યાદીમાં પાંચમા સ્થાને છે.