દિલ્હીમાં ફરી એકવાર સ્કૂલને બોમ્બથી ઉડાવાની ધમકી મળી છે. દ્વારકા સ્થિત ડીપીએસ સ્કૂલ સહિત અન્ય શાળાઓ તથા કોલજને બોમ્બથી ઉડાવી દેવાની ધમકી મળી છે. મહત્વનું છે કે દિલ્હીમાં અગાઉ પણ અનેક શાળાઓને આવી ધમકીઓ મળી છે. જો કે તપાસ કર્યા બાદ તે ફેક જણાયા છે. દિલ્હી પબ્લિક સ્કૂલ દ્વારકાને સોમવારે બોમ્બથી ઉડાવી દેવાનો ધમકી ભર્યો કોલ આવ્યો છે. અન્ય સ્કૂલ અને કોલેજને પણ ધમકી ભર્યો ઇમેઇલ મળ્યો છે.

હાલમાં સુરક્ષાના ભાગરૂપે સ્કૂલ પરિસર ખાલી કરાયુ છે. તપાસ અભિયાન ચાલી રહ્યું છે. બોમ્બની ધમકી મળ્યાની માહિતી મળતા પોલીસ અને બોમ્બ સ્કવોર્ડ તથા ફાયરવિભાગની ગાડી ઘટના સ્થળે પહોંચી હતી. દિલ્હી ફાયર વિભાગએ આ જાણકારી આપી. 7.24 કલાકે કંટ્રોલ રૂમ પર બોમ્બની ધમકી મળી હોવાની માહિતી મળી હતી. ઉલ્લેખનીય છે કે અગાઉ પણ જુલાઇમાં દિલ્હીની 20થી વધારે સ્કૂલોને ઇમેઇલ દ્વારા બોમ્બની ધમકી મળી હતી.

શાળા ઉપરાંત દિલ્હીની આઇપી કોલેજ ફોર વિમેન, હિંદુ કોલેજ અને શ્રી રામ કોલેજ ઓફ કોમર્સને પણ ઇમેઇલ દ્વારા ધમકીઓ મળી છે. જો કે તપાસ બાદ કશું મળી આવ્યું ન હતું,  18 જુલાઈના રોજ, દિલ્હી પોલીસે એક નિવેદન બહાર પાડીને જણાવ્યું હતું કે દ્વારકામાં સેન્ટ થોમસ સ્કૂલ, વસંત કુંજમાં વસંત વેલી સ્કૂલ, હૌઝ ખાસમાં મધર્સ ઇન્ટરનેશનલ સ્કૂલ, પશ્ચિમ વિહારમાં રિચમંડ ગ્લોબલ સ્કૂલ અને લોધી એસ્ટેટમાં સરદાર પટેલ વિદ્યાલયને ઇમેઇલ દ્વારા બોમ્બથી ઉડાવી દેવાની ધમકીઓ મળી છે. છેલ્લા ત્રણ દિવસમાં લગભગ 10 શાળાઓ અને એક કોલેજને આવી બોમ્બથી ઉડાવી દેવાની ધમકીઓ મળી છે.