ગુરુવારે અમેરિકાએ ગાઝામાં તાત્કાલિક, બિનશરતી અને કાયમી યુવિરામની માંગ કરતા સંયુક્ત રાષ્ટ્ર સુરક્ષા પરિષદના પ્રસ્તાવના મુસદ્દા પર વીટો વાપર્યો. આ પ્રસ્તાવમાં એવી પણ માંગ કરવામાં આવી હતી કે ઈઝરાયલ પેલેસ્ટાઈની વિસ્તારમાં માનવતાવાદી સહાયતા પહોંચાડવા પરના તમામ પ્રતિબંધો હટાવી લે. અમેરિકાએ ઈઝરાયલ અને પેલેસ્ટાઈની આતંકવાદી સંગઠન હમાસ વચ્ચેના યુદ્ધ સંબંધિત પ્રસ્તાવ પર છઠ્ઠી વાર વીટો વાપર્યો છે. આ યુદ્ધ લગભગ બે વર્ષથી ચાલી રહ્યું છે. આ પ્રસ્તાવને સુરક્ષા પરિષદમાં 14 દેશોનું સમર્થન મળ્યું હતું. સંયુક્ત રાષ્ટ્રએ ગાઝામાં દુષ્કાળની સત્તાવાર ઘોષણા કર્યા બાદ ઓગસ્ટમાં આ પ્રસ્તાવ રજૂ કરાયો હતો, જેને પરિષદના બાકીના 14 સભ્યોએ સમર્થન આપ્યું. તે સમયે, ઈઝરાયલી ટેન્કો અને જેટ વિમાનોએ ગાઝા શહેર પર બોમ્બમારો કર્યો હતો, જેના કારણે પેલેસ્ટાઈનીઓને દક્ષિણ તરફ ભાગવા માટે મજબૂર થવું પડ્યું હતું. આ હુમલાઓ એક મોટા જમીની હુમલાની તૈયારી હતી. એએફપી દ્વારા મળેલી માહિતી મુજબ, આ પ્રસ્તાવમાં ગાઝામાં તાત્કાલિક, બિનશરતી અને કાયમી યુદ્ધવિરામની માંગ કરવામાં આવી હતી, જેનું તમામ પક્ષો દ્વારા પાલન થાય. આ ઉપરાંત, બંધકોની તાત્કાલિક અને બિનશરતી મુક્તિની પણ માંગણી કરવામાં આવી હતી. અમેરિકાએ ઈઝરાયલને ટેકો આપવા માટે જૂનમાં પણ વીટો વાપર્યો હતો અને આ દૃષ્ટિકોણને ઘણી વખત ફગાવી દીધો છે. પાકિસ્તાન અને ચીને સંયુક્ત રાષ્ટ્ર સુરક્ષા પરિષદમાં બલૂચિસ્તાન લિબરેશન આર્મી (બીએલએ) અને તેની આત્મઘાતી પાંખ મજીદ બ્રિગેડને આતંકવાદી સંગઠન તરીકે જાહેર કરવા માટે એક સંયુક્ત પ્રસ્તાવ રજૂ કર્યો છે. આ પ્રસ્તાવ પરિષદની 1267 અલ-કાયદા પ્રતિબંધ સમિતિ હેઠળ રજૂ કરાયો છે. પાકિસ્તાનના સ્થાયી પ્રતિનિધિ એમ્બેસેડર આસિમ ઇફ્તિખાર અહમદે બુધવારે જણાવ્યું હતું કે આતંકવાદી સંગઠનો જેવા કે ISIL-K, અલ-કાયદા, તહરીક-એ-તાલિબાન પાકિસ્તાન, પૂર્વ તુર્કિસ્તાન ઇસ્લામિક મૂવમેન્ટ, BLA અને મજીદ બ્રિગેડ અફઘાનિસ્તાનના શરણસ્થળોમાંથી કાર્યરત છે. તેમણે ઉમેર્યું કે ત્યાં 60થી વધુ આતંકવાદી શિબિરો છે જે સરહદ પારથી હુમલા કરવા માટે કેન્દ્ર તરીકે કામ કરી રહી છે.