ભારત દ્વારા અરુણાચલ પ્રદેશના સ્થળોને કાલ્પનિક નામ આપવાના મુદ્દે ચીનની ટીકા કર્યા પછી ચીને કડક પ્રતિક્રિયા આપી હતી. ચીનના જણાવ્યા મુજબ ‘ઝાંગનાન’ તેનો પ્રદેશ છે અને ભારત દ્વારા સ્થાપિત અરુણાચલ પ્રદેશને તે ક્યારેય માન્યતા આપતું નથી. સાથે જ ચીને આશા વ્યક્ત કરી હતી કે બન્ને દેશો સંબંધો સુધારવા માટે સહકાર વધારશે.

ચીનના વિદેશ મંત્રાલયના પ્રવક્તા ગુઓ જિયાકુને ગઈ કાલે જણાવ્યું હતું કે ઝાંગનાન વિસ્તાર ચીનનો જ ભાગ છે. તેમણે કહ્યું કે આ વિસ્તારમાં આવેલા સ્થળોના નામોને પ્રમાણિત કરવાનો નિર્ણય ચીનના સાર્વભૌમ અધિકાર હેઠળ આવે છે. આ મુદ્દે ચીનનો અભિગમ બદલાયો નથી.

ચીન અરુણાચલ પ્રદેશને ‘ઝાંગનાન’ તરીકે ઓળખાવે છે અને તેને પોતાનો ભાગ ગણાવે છે. ૧૦ એપ્રિલે ચીને આ વિસ્તારમાં પ્રમાણિત નામોની છઠ્ઠી યાદી જાહેર કરી હતી. હાલમાં ભારત-ચીન સંબંધો સામાન્ય રીતે સ્થિર હોવાનું ચીનનું કહેવું છે. બંને દેશો વચ્ચેના સંબંધોને સુધારવા અને આગળ વધારવા માટે ચીન પોતાની નીતિ યથાવત્ રાખશે એવી પણ જાહેરાત કરવામાં આવી હતી.