બેઠકમાં પ્રથમ દિવસે ગૃહપ્રધાન અમિત શાહે દેશ વિરોધી તત્વોની ભૂમિકા અને માદક પદાર્થોના વેપારમાં સંડોવણી સહિત તેમના ઘરેલુ સંબંધો પર ચર્ચા કરી. તેની સાથે જ એન્ક્રિપ્ટેડ સંચાર એપ્સ અને અન્ય નવી ટેક્નોલોજીના ગેરકાયદેસર ઉપયોગથી ઉભા થઈ રહેલા પડકારો માટે ટેક્નોલોજીનો ઉપયોગ અને ખાલી પડેલા દ્વીપોની સુરક્ષા પર ધ્યાન કેન્દ્રિત કરવામાં આવ્યું. બેઠકમાં આતંકવાદને નાણાકીય સહાય સંબંધિત મુદ્દાઓ પર પણ વિચાર-વિમર્શ કરવામાં આવ્યો.

ગૃહપ્રધાને આતંકવાદી અને તસ્કરી ગતિવિધિઓમાં સામેલ ભાગેડુ લોકોને પરત લાવવા માટે કેન્દ્રીય અને રાજ્યની એજન્સીઓની વચ્ચે સારા સંકલનની સાથે-સાથે આતંકવાદી-ગુનેગાર સાંઠગાંઠ પરસ્પર જોડાણ તોડવા માટે ઘણી સૂચનાઓ આપવામાં આવી. આતંકી નેટવર્ક દ્વારા એન્ક્રિપ્ટેડ સંચારના ઉપયોગની હરીફાઈ કરવા માટે સ્પેક્ટ્રમના તમામ ઓપરેટરોની સાથે એક પ્લેટફોર્મ બનાવવા માટે અધિકારીઓને નિર્દેશ આપવામાં આવ્યા. બેઠકમાં ગૃહપ્રધાને કહ્યું કે દેશની સુરક્ષા અને વિકાસની દ્રષ્ટિએ આગામી 5-10 વર્ષ ખુબ જ મહત્વપૂર્ણ છે.