મુંબઇ : પુણેમાં 'હાઉસફૂલ ફાઈવ'ની પ્રમોશનલ ઈવેન્ટમાં ધક્કામુક્કી થતાં એક તબક્કે ભારે ગેરવ્યવસ્થા સર્જાઈ હતી. તેના કારણે  ફિલ્મની ટીમ ભારે ટેન્શનમાં આવી ગઈ હતી. આ ધક્કામુક્કીમાં કેટલીય મહિલાઓ અને બાળકોએ રડારોળ કરી મૂકતાં ગંભીર પરિસ્થિતિ  સર્જાયી હતી. આખરે અક્ષય કુમારે જાતે માઈક હાથમાં લઈ ક્રાઉડને શાંત પાડયું હતું. પ્રમોશન માટે  અક્ષય કુમારે, જેકલિન ફર્નાન્ડિસ, નાના પાટેકર સહિત અન્ય એકટરો પહોંચ્યા હતા.ભારે ભીડને પગલે ગેરવ્યસ્થા સર્જાઈ હતી. છેવટે અક્ષય કુમારે  મંચ પરથી હાથમાં માઇક લઇને વિનંતી કરી હતી કેમહેરબાની કરીને આટલી ધક્કામુક્કી કરશો નહીં. બાળકો,મહિલાઓ અને વદ્ધો  આમાં દબાઇ રહ્યા છે. જો આમ ચાલશે તો અમારે અહીંથી નીકળી જવું પડશે.આ પછી પરિસ્થિતિ કાબુમાં આવી હતી.  નેટ યૂઝર્સ દ્વારા એવી કોમેન્ટસ કરાઈ હતી કે હૈદરાબાદમાં 'પુષ્પા ટૂ'ના શો વખતે આવી જ ધક્કામુક્કીમાં એક બાળકનું મોત થયા બાદ અલ્લુ અર્જુનની ધરપકડ થઈ હતી. તેના પરથી  દાખલો લઈને ફિલ્મ કલાકારોએ  બહુ મોટી સ્પેસ ન હોય તેવી જગ્યાએ આ પ્રકારે ભીડ એકઠી કરવાનું ટાળવું જોઈએ.