ન્યુ યોર્ક : અમેરિકાના રાષ્ટ્રપ્રમુખ ડોનાલ્ડ ટ્રમ્પે ટેરિફ બાદ હવે વીઝા વૉર શરૂ કરી દીધી છે. તેમણે H-1B વીઝાની ફીમાં એક લાખ ડૉલરનો ધરખમ વધારો કર્યો છે, જેના કારણે અમેરિકા આવવા ઈચ્છુક વિદેશી નાગરિકો ભારે નિરાશ થયા છે. ટ્રમ્પના આ નિર્ણયની અસર સૌથી વધુ અસર વિદેશથી કર્મચારીઓને હાયર કરતી ટેક ઈન્ડસ્ટ્રીને થઈ છે. હવે તમામ ઘટનાક્રમ વચ્ચે ટેસ્લા-સ્પેસએક્સના માલિક ઈલોન મસ્કનું જૂની પોસ્ટ વાયરલ થઈ છે. 

ગયા વર્ષે ડિસેમ્બરમાં મસ્કે ચેતવણી આપી હતી કે, હું આ મુદ્દા પર એવો યુદ્ધ છંછેડીશ, જેની તમે કલ્પના પણ નહીં કરી શકો. તેમણે સ્પષ્ટ કહ્યું કે, એચ-1બી વીઝા માત્ર મારી કંપની જ નહીં, અમેરિકન ટેકનોલોજી ઈન્ડસ્ટ્રી માટે પણ ખૂબ જરૂરી છે. મસ્કે વીઝાના મહત્ત્વ અંગે સ્પષ્ટ કહ્યું કે, હું અમેરિકામાં એટલા માટે છું કે, મારા જેવા અનેક મહત્ત્વના લોકો અહીં છે, જેમણે સ્પેસએક્સ, ટેસ્લા અને અનેક કંપનીઓ બનાવીને અમેરિકાને મજબૂત કર્યું છે. આ બધુ એચ-1બી વીઝાના કારણે સંભવ થયું છે.
હું H-1B વીઝા મુદ્દે એવું યુદ્ધ છંછેડીશ, જેની તમે કલ્પના નહીં કરી શકો ટ્રમ્પે ફી વધારી તો વાયરલ થયું મસ્કનું જૂનું ટ્વિટ 2 - image
એલન મસ્ક પોતે H-1B વિઝા પર અમેરિકા આવેલા છે, તેઓ આ વિઝાના મોટા સમર્થક છે. તેઓ માને છે કે તેમની કંપનીઓની સફળતા માટે વિદેશી કર્મચારીઓ પર ભરોસો કરવો જરૂરી છે. એમેઝોન, કોગ્નિઝન્ટ અને ઈન્ફોસિસ જેવી અનેક ટેક કંપનીઓ પણ આ વિઝા દ્વારા કુશળ કર્મચારીઓને તેમની ટીમમાં સામેલ કરે છે.