અભિષેક શર્માએ ક્રીઝ પર આવતાની સાથે જ આક્રમક બેટિંગ કરી અને પોતાનો ઈરાદો વ્યક્ત કર્યો હતો. પાકિસ્તાન તરફથી શાહીન શાહ આફ્રિદીએ પહેલી ઓવર નાખી અને અભિષેકે તેની ઓવરના પહેલા બોલ પર ફોર ફટકારી હતી. આ પછી અભિષેકે તેના બીજા બોલ પર સિક્સર ફટકારીને તેનો બધો ઘમંડ દૂર કર્યો હતો.

શાહીનની આ ઓવરમાં કુલ 12 રન બન્યા હતા. પાકિસ્તાન સામેની મેચમાં અભિષેકે 13 બોલમાં કુલ 31 રન બનાવ્યા, જેમાં 4 ચોગ્ગા અને 2 છગ્ગા ફટકાર્યા છે. તેને 238.46ના સ્ટ્રાઈક રેટથી બેટિંગ કરી અને પાકિસ્તાની બોલરોને હેરાન કર્યા હતા.

મેચમાં પાકિસ્તાની ટીમની શરૂઆત ખૂબ જ ખરાબ રહી હતી. જ્યારે સૈમ અયુબ હાર્દિક પંડ્યાના બોલ પર ખાતું ખોલાવ્યા વિના પેવેલિયન પરત ફર્યા. આ પછી સાહિબજાદા ફરહાન અને ફખર ઝમાને થોડો સમય વિકેટ પર રહેવાનો પ્રયાસ કર્યો. ફરહાને 40 રન બનાવ્યા હતા. અંતે શાહીન આફ્રિદીએ 16 બોલમાં 33 રન બનાવ્યા. આ ખેલાડીઓના કારણે જ પાકિસ્તાની ટીમ 127 રન સુધી પહોંચી શકી. ભારતીય ટીમ માટે કુલદીપ યાદવે સૌથી વધુ 3 વિકેટ લીધી.