ઓસ્ટ્રેલિયામાં રવિવારે હજારો લોકો એન્ટી ઈમિગ્રેશન રેલીઓમાં સામેલ થયા અને પ્રદર્શનની પ્રચાર સામગ્રીમાં ભારતીય પ્રવાસીઓને નિશાન બનાવવામાં આવ્યા છે. જો કે ઓસ્ટ્રેલિયાની સરકારે આ આયોજનોની નિંદા કરીને આ પ્રદર્શન નફરત ફેલાવનારૂ અને નિયો-નાજિયોથી જોડાયેલું ગણાવ્યું છે.

આયોજકોએ પોતાને મોટા સ્તર પર એન્ટી ઈમિગ્રેશનને ખતમ કરવાના ઉદ્દેશ્ય હેઠળ ઓસ્ટ્રેલિયન લોકોને એકજૂટ કરવાનો પ્રયત્ન ગણાવ્યો અને અન્ય સમૂહોની સાથે પોતાના સંબંધોથી ઈનકાર કર્યો. સિડની, મેલબર્ન, કેનબરા અને અન્ય શહેરોમાં મોટી રેલીઓ આયોજિત કરવામાં આવી. સિડનીમાં 5000થી 8000 લોકો જેમાં ઘણા લોકો રાષ્ટ્રીય ધ્વજમાં લપેટાયેલા હતા. 

પોલીસની વિરોધ-પ્રદર્શનકારીઓ સાથે તકરાર થઈ, જેમાં સ્પ્રે, લાકડીઓ અને સાર્વજનિક વ્યવસ્થા જાળવી રાખવા માટે હથિયારોનો ઉપયોગ કરવામાં આવ્યો. 6 લોકોની ધરપકડ કરવામાં આવી અને બે અધિકારી ઘાયલ થયા છે. પોલીસનું અનુમાન છે કે મેલબર્ન રેલી અને વિરોધ પ્રદર્શનમાં કૂલ મળીને 5,000 લોકો સામેલ હતા. કેટલાક પ્રદર્શનકારીઓએ સાર્વજનિક સેવાઓને લઈ પોતાની નિરાશા વ્યક્ત કરી.