મુંબઇ : એટલીની અલ્લૂ અર્જુન સાથેની એક્શન ફિલ્મમાં ં મૃણાલ ઠાકુરને ફાઇનલ કરવામાં આવી હોવાનું કહેવાય છે. આ ફિલ્મ માટે દીપિકા પદુકોણ અને જાહ્નવી કપૂર  સાથે વાતચીત ચાલી રહી છે.  મૃણાલે હાલમાં જ મુંબઇના એક સ્ટુડિયોમાં આ ફિલ્મ માટે પોતાનો લુક ટેસ્ટ આપ્યો હતો. હજુ ગયાં સપ્તાહે અલ્લુ અર્જૂન પણ આ ફિલ્મનો લૂક ટેસ્ટ આપવા માટે ખાસ મુંબઈ આવ્યો હતો અને તેણે બાંદરા વિસ્તારમાં એક સ્ટુડિયોમાં લૂક ટેસ્ટ આપ્યો હોવાના ફોટા વાયરલ થયા હતા.  આ એક્શન ફિલ્મમાં અલ્લુ અર્જુન પહેલીવાર ડબલ રોલ કરવાનો છે. આ ફિલ્મનું પ્રી-પ્રોડકશન કામ શરૂ થઇ ગયું છે. અલ્લૂ અર્જુન અને એટલી ઓગસ્ટ-સપ્ટેમ્બરમાં શૂટિંગ શરૂ કરવાનું પ્લાનિંગ કરી રહ્યા છે.