ફ્રાન્સના વડાપ્રધાન સેબેસ્ટિયન લેકોર્નુએ એક મહિનામાં જ રાજીનામું આપતાં રાષ્ટ્ર પ્રમુખ મેક્રોનને મોટો ઝટકો વાગ્યો છે. બજેટ રજૂ ન કરવા બદલ અને શાસન કરવામાં નિષ્ફળ રહ્યા બાદ લોકોર્નુએ રાજીનામું આપી દીધું છે. તેમના રાજીનામાની જાહેરાતથી પેરિસ સ્ટોક એક્સચેન્જ 1.7 ટકા તૂટ્યો હતો. ફ્રાન્સમાં એક વર્ષમાં લેકાર્નુ રાજીનામું મૂકનારા ચોથા વડાપ્રધાન બની ગયા. જેનાથી ફ્રાાન્સના પ્રમુખ ઇમેનુએલ મેક્રોનની મુશ્કેલી વધી ગઇ છે.  

ફ્રાન્સના મીડિયા રિપોર્ટ અનુસાર, લોકોર્નુએ કેબિનેટની રચનાના થોડા કલાકમાં જ રાજીનામું આપી દીધુ હતું. તેમની વિરૂદ્ધ વિપક્ષ દ્વારા સંસદમાં અવિશ્વાસનો પ્રસ્તાવ રજૂ કરવામાં આવ્યો હતો. જેથી તેમને ગંધ આવી ગઈ હતી કે, સંસદમાં તેમનો સ્વીકાર કરવામાં આવશે નહીં. લોક હાંસીથી બચવા તેમણે પોતે જ રાજીનામું આપી દીધુ હતું. કેબિનેટની રચના બાદ કેબિનેટની બેઠક બોલાવવામાં આવી હતી. પરંતુ બેઠક પહેલાં જ લોકોર્નુએ પોતાના પદ પરથી રાજીનામું જાહેર કર્યું હતું.