આયુષ્માન ખુરાના અને સારા અલી ખાનની આગામી ફિલ્મ 'ઉડતા તીર'ની રિલીઝ ડેટ પાછી ઠેલવવામાં આવી છે. હવે આ ફિલ્મ 9 ઓક્ટોબરના બદલે 23 ઓક્ટોબરે થિયેટરમાં રિલીઝ થશે. મેકર્સનો આ નિર્ણય અજય દેવગન સ્ટારર 'દૃશ્યમ-3'ની બોક્સ ઓફિસ પર આવેલી આંધી બાદ સામે આવ્યો છે, જેણે પોતાના ઓપનિંગ ડે પર જ દેશભરમાં 66 કરોડથી વધુની બમ્પર કમાણી કરીને દરેકને હેરાન કરી દીધા છે. 'દૃશ્યમ-3'ના દબદબાને જોતા મેકર્સે સ્ક્રીન્સ અને દર્શકોની સંખ્યા સાથે સમજૂતી કરવાના બદલે ફિલ્મની રિલીઝને આગળ ધકેલવી જ યોગ્ય સમજ્યું. રિલીઝ ડેટ બદલવાની સાથે જ મેકર્સ તરફથી એક નિવેદન પણ જાહેર કરવામાં આવ્યું છે. મેકર્સનું કહેવું છે કે, ફિલ્મના ટ્રેલર અને પ્રમોશનને દર્શકો તરફથી ઘણો સરસ પ્રતિસાદ મળી રહ્યો છે અને ચારેય તરફ આને લઈને સારો બઝ બનેલો છે. આવી સ્થિતિમાં અચાનક ભીડભાડ વાળા માહોલમાં સ્ક્રીન્સ માટે સંઘર્ષ કરવાથી સારું છે કે ફિલ્મને થોડી રોકાઈને રિલીઝ કરવામાં આવે. આ વ્યૂહાત્મક નિર્ણયથી ફિલ્મને સિનેમાઘરોમાં વધારે શો અને વધુમાં વધુ દર્શકો મળી શકશે. પોતાની આ નવી ફિલ્મને લઈને આયુષ્માન ખુરાના પણ ઘણો ઉત્સાહિત છે. આયુષ્માનનું માનવું છે કે 'ઉડતા તીર' તેમના એ જાણીતા-પરીચિત અંદાજ અને ઓરિજિનલ કન્ટેન્ટ તરફ વાપસી છે, જેના માટે દર્શકો તેમને હંમેશાથી પસંદ કરતા આવ્યા છે. તેને આશા છે કે જ્યારે આ ફિલ્મ 23 ઓક્ટોબરે સિનેમાઘરોમાં આવશે, તો દર્શકોને એ જ જૂનો અને હટકે આયુષ્માન જોવા મળશે.'ઉડતા તીર'ની રિલીઝ પાછી ઠેલવવા પાછળ 'દૃશ્યમ-3: ધ કન્ક્લુઝન'નું બોક્સ ઓફિસ કલેક્શન સૌથી મોટું કારણ માનવામાં આવી રહ્યું છે. બોક્સ ઓફિસ ટ્રેકર વેબસાઈટ સેકનીલ્ક (Sacnilk) મુજબ ફિલ્મે પોતાના પહેલા જ દિવસે 15,759 શો દ્વારા ભારતમાં 66.75 કરોડનું નેટ અને 80.10 કરોડનું ગ્રોસ કલેક્શન કર્યું છે. બીજી તરફ ઓવરસીઝમાં 15 કરોડની કમાણી સાથે આનું વર્લ્ડવાઇડ ગ્રોસ કલેક્શન 95.10 કરોડ સુધી પહોંચી ગયું છે. બોક્સ ઓફિસ પર છવાયેલી 'દૃશ્યમ-3' સામે ક્લેશથી બચવા માટે જ 'ઉડતા તીર'ના મેકર્સે આ કદમ ઉઠાવ્યું છે.