અમેરિકી રાષ્ટ્રપતિ ડોનાલ્ડ ટ્રમ્પે મંગળવારે ભારતની સાથે ટ્રેડ ડીલ પર ખૂબ જ સારાં સંકેત આપ્યા છે. તેમણે એમ પણ કહ્યુ છે કે કોઇ પણ સમયે, અમેરિકા ભારત પર ટેરિફ ઓછું કરશે. ટ્રમ્પે આ નિવેદન સર્જીયો ગોરના ભારતમાં રાજદૂત રૂપમાં શપથ ગ્રહણ સમારોહ દરમિયાન કરી છે. આ દરમિયાન ટ્રમ્પે ટ્રેડ ડીલ ખાસ હોવાની પણ વાત કરવામાં આવી છે.તેમને હવે હું ગમતો નથી, પણ તેઓ ફરીથી મને ગમાડશે અને મારી સાથે પ્રેમ પણ થઇ જશે.

હકીકતમાં ઓવલ ઓફિસમાં ટ્રમ્પને પૂછવામાં આવ્યું હતું કે તેઓ ભારત સાથે વેપાર કરારની કેટલી નજીક છે અને શું તેઓ નવી દિલ્હી પર ટેરિફ ઘટાડવાનું વિચારશે. તેનો જવાબ આપતા ટ્રમ્પે કહ્યુ કે, અમે ભારતની સાથે એક ડીલ કરી રહ્યા છીએ. તે ડીલ પહેલા કરતા ખૂબ જ અલગ છે. તે મને હાલ પસંદ નથી કરતા, પરંતુ અમને ફરીથી પસંદ કરશે. અમને વાજબી સોદો મળી રહ્યો છે.તે ખૂબ જ સારા વાર્તાકાર છે. એટલાં માટે સર્જીયો તમારે આના પર ધ્યાન રાખવું પડશે. મને લાગે છે કે આપણે એક એવી સમજૂતીની નજીક છીએ જે દરેક માટે સારી છે.