અમેરિકન પ્રમુખ ડોનાલ્ડ ટ્રમ્પે અમેરિકામાં તેમના વિરુદ્ધ 'નો કિંગ્સ' વિરોધ પ્રદર્શનનો વિરોધ કરવા માટે બનાવેલ આર્ટિફિશિયલ ઇન્ટેલિજન્સ (AI) આધારિત વીડીયો શેર કરવાથી હોબાળો મચી ગયો છે. ટ્રમ્પે તેને પોતાના ટ્રુથઆઉટ સોશિયલ મીડિયા એકાઉન્ટ પર શેર કર્યો છે. આ વીડિયોમાં ટ્રમ્પ તાજ પહેરેલા અને ફાઇટર જેટમાંથી વિરોધીઓ પર મળ ફેંકતા જોવા મળે છે. આ વીડિયોએ હવે સમગ્ર યુનાઇટેડ સ્ટેટ્સમાં હોબાળો મચાવ્યો છે.
વીડિયો જોયા પછી ટીકાકારોએ ટ્રમ્પની ટીકા કરતા કહ્યું કે, 'આ વીડિયો ટ્રમ્પના વર્તન અને નીતિઓની ગંભીરતાને પ્રતિબિંબિત કરે છે. લોકશાહી દેશના પ્રમુખ દ્વારા આવો વીડિયો શેર કરવો એ અયોગ્ય વર્તન દર્શાવે છે.' વધુમાં, આ વીડિયો એ પ્રશ્ન ઉઠાવે છે કે શું ટ્રમ્પ તેમના વિરોધીઓ પ્રત્યે આદર અને સહિષ્ણુતા ધરાવે છે. જોકે, ટ્રમ્પના સમર્થકોએ કહ્યું કે તે માત્ર મજાક છે અને તેને ગંભીરતાથી ન લેવું જોઈએ.