NHIDCLના એક લાંચિયા અધિકારીને CBIએ લાંચ લેતા પકડી લીધા અને ત્યારબાદ તેમના પરિસર પર દરોડા પાડતા જે સંપતિનો રેકોર્ડ સામે આવ્યો હતો.NHIDCLના એક્ઝિક્યુટિવ ડિરેક્ટર રિતેન કુમાર સિંહની CBIએ ટ્રેપ કરીને ₹10 લાખની લાંચ લેવા બદલ ધરપકડ કરી છે. દેશમાં લાંચ લેતા સરકારી બાબુઓની ધરપકડના સમાચાર એ હવે ખરા અર્થમાં સામાન્ય થઈ ગયા છે પરંતુ ડિરેક્ટર રિતેન કુમાર સિંહના પરિસર પર દરોડા પાડીને CBIએ 2.62 કરોડ રોકડા, અનેક શહેરોમાં લક્ઝરી ફ્લેટ, રહેણાંક પ્લોટ અને લક્ઝરી વાહનો જપ્ત કર્યા છે.

આ લાંચિયા સરકારી બાબુના કરોડોના કૌભાંડ અંગે CBIને સૂત્રો તરફથી ગુપ્ત બાતમી મળી હતી જે બાતમીમાં માહિતી હતી કે નેશનલ હાઇવે એન્ડ ઇન્ફ્રાસ્ટ્રક્ચર ડેવલપમેન્ટ કોર્પોરેશન લિમિટેડના એક અધિકારી નામે રિતેન કુમાર સિંહે એક ખાનગી કંપની પાસેથી કામમાં સહાયના બદલામાં લાંચ માંગી હતી. આ બાબતે છટકું ગોઠવીને CBI એ 14 ઓક્ટોબરના રોજ અધિકારીને ₹10 લાખની લાંચ લેતા રંગે હાથે પકડ્યો હતો.