સુરતમાં રણબીરની એક ઝલક જોવા આવેલી ભીડ બેકાબૂ, ધક્કામુક્કી-નાસભાગમાં 20 લોકો ઈજાગ્રસ્ત
April 28, 2024
સુરત : ભારતમાં બોલિવૂડ ફિલ્મોનો ક્રેઝ ખૂબ જ છે અને ઘણીવાર ચાહકો પોતાના મનપસંદ અભિનેતા અને અભિનેત્રીની એક ઝલક જોવા માટે પડાપડી કરતા હોય છે. ત્યારે આવી જ એક ઘટના સુરતમાં બની હતી. શનિવારે બોલિવૂડ અભિનેતા રણબીર કપૂર (Ranbir Kapoor) સુરત શહેરમાં પહોંચ્યા હતા. એક ખાનગી કાર્યક્રમમાં અભિનેતાએ હાજરી આપી હતી. રણબીર કપૂર સુરત (Surat)માં આવ્યા છે તેવા સામાચાર વાયુ વેગે લોકોમાં પહોંચતા જ તેની એક ઝલક જોવા માટે મોટી સંખ્યામાં લોકો ઉમટી પડ્યા હતા.
અભિનેતાને જોવા માટે લોકોના ટોળા એકઠા થયા હતા. જો કે સલામતીના કારણોસર લોખડંના બેરિકેડ લગાવવામાં આવ્યા હતા. તેમ છતાં ભીડ એટલી વધી ગઈ હતી કે ધક્કામુક્કીથી લોખડંના બેરિકેડ પણ તૂટી ગયા હતા. આ દરમિયાન લોકો એકની માથે એક પડ્યા હતા. જેમાં 20 લોકો ઈજાગ્રસ્ત થયા હતા. જો કે મોટી જાનહાની થઈ ન હતી.
અભિનેતા શહેરમાં એક જ્વેલરી શોરૂમના ઉદઘાટન કરવા પહોંચ્યા હતા. આ દરમિયાન રણબીર કપૂરની એક ઝલક જોવા માટે લોકોએ ધક્કામુક્કી કરી હતી. આ કાર્યક્રમમા 50 પોલીસનો કાફલો તેમજ 40 ખાનગી ગાર્ડ અને સિક્યોરિટી તૈનાત હોવા છતાં ભીડ કબૂમાં રહી શકી ન હતી. એક સમયે તો ભારે ભીડને કારણે નાસભાગ (stampede) મચી ગઈ હતી. આ ઘટનાને પગલે અભિનેતા રણબીર કપૂર પત્રકાર પરિષદ કર્યા વગર જ રવાના થયા હતા.
Related Articles
ગુજરાતમાં 7 દિવસ ગાજવીજ સાથે વરસાદ પડશે
ગુજરાતમાં 7 દિવસ ગાજવીજ સાથે વરસાદ પડશે
ગુજરાત બોર્ડનું ધોરણ 10નું પરિણામ 82.56% જાહેર
ગુજરાત બોર્ડનું ધોરણ 10નું પરિણામ 82.56%...
May 11, 2024
ચાવડાના દિકરાએ તથા અન્ય નેતાઓએ પક્ષ વિરોધી પ્રવૃત્તિ કર્યાની અરવિંદ લાડાણીની ફરિયાદ
ચાવડાના દિકરાએ તથા અન્ય નેતાઓએ પક્ષ વિરો...
May 10, 2024
ભાજપના કાર્યકરોએ માત્ર ખુરશીઓ જ સાફ કરવાની, કાછડિયાએ પક્ષ સામે બળાપો કાઢ્યો
ભાજપના કાર્યકરોએ માત્ર ખુરશીઓ જ સાફ કરવા...
May 10, 2024
ભારે પવન સાથે અડધા ગુજરાતમાં કમોસમી વરસાદની આગાહી
ભારે પવન સાથે અડધા ગુજરાતમાં કમોસમી વરસા...
May 10, 2024
Trending NEWS
11 May, 2024
10 May, 2024
May 11, 2024