છત્તીસગઢથી ધાર્મિક સ્થળોએ દર્શન કરવા માટે જઈ રહેલી એક બસને યુપીના જૌનપુરમાં અકસ્માત નડ્યો. અયોધ્યાથી વારાણસી જઈ રહેલી આ લક્ઝરી સ્લીપર બસ લાઇન બજાર પોલીસ સ્ટેશન વિસ્તારમાં સિહિપુર ક્રોસિંગ પાસે ઓવરટેક કરવાનો પ્રયાસ કરતી વખતે ટ્રેલર સાથે અથડાઈ હતી. શ્રદ્ધાળુઓ અયોધ્યાથી વારાણસી જઈ રહ્યા હતા અકસ્માતમાં ચાર લોકોના ઘટનાસ્થળે જ મોત થયા હતા જ્યારે નવ મુસાફરો ગંભીર રીતે ઘાયલ થયા હતા.

બસમાં લગભગ 50 મુસાફરો હતા, જેમાંથી મોટાભાગના છત્તીસગઢના રહેવાસી હતા. આ બધા અયોધ્યાના દર્શન કર્યા પછી કાશી વિશ્વનાથ મંદિરના દર્શન કરવા વારાણસી જઈ રહ્યા હતા. જિલ્લા એસપી ડૉ. કૌસ્તુભે જણાવ્યું હતું કે રવિવારે મોડી રાત્રે  અકસ્માતની માહિતી મળતા જ પોલીસ ટીમ ઘટનાસ્થળે પહોંચી ગઈ હતી અને ઘાયલોને નજીકની હોસ્પિટલમાં મોકલવામાં આવ્યા હતા. ગંભીર રીતે ઘાયલોને વારાણસી રિફર કરવામાં આવ્યા છે.

પ્રત્યક્ષદર્શીઓના જણાવ્યા અનુસાર, બસે ટ્રેલરને ઓવરટેક કરવાનો પ્રયાસ કર્યો હતો, પરંતુ સંતુલન ગુમાવવાને કારણે તે ટ્રેલરની જમણી બાજુ સાથે અથડાઈ હતી. ટક્કર એટલી જોરદાર હતી કે બસનો જમણો ભાગ ખરાબ રીતે નુકસાન પામ્યો અને ઘણા મુસાફરો સીટોમાં ફસાઈ ગયા. પોલીસ અને સ્થાનિક લોકોની મદદથી ફસાયેલા મુસાફરોને બહાર કાઢવામાં આવ્યા.