મહારાષ્ટ્રના રાજકારણમાંથી એક અત્યંત દુખદ સમાચાર સામે આવ્યા. બુધવારે (28 જાન્યુઆરી) બારામતી વિસ્તારમાં થયેલી એક ભયાનક વિમાન દુર્ઘટનામાં રાજ્યના નાયબ મુખ્યમંત્રી અજિત પવારનું નિધન થયું. આ ચકચારી ઘટનાની તપાસ હવે રાજ્યના ગુનાહિત તપાસ વિભાગ (CID) ને સોંપવામાં આવી છે.

નાયબ મુખ્યમંત્રી અજિત પવાર જિલ્લા પરિષદની ચૂંટણીના પ્રચાર અર્થે મુંબઈથી સવારે 8 વાગ્યે બારામતી જવા રવાના થયા હતા. તેમને તે દિવસે ત્યાં ચાર મહત્વની બેઠકો સંબોધવાની હતી. જોકે, બારામતી એરપોર્ટ પર લેન્ડિંગની તૈયારી કરતી વખતે જ વિમાન દુર્ઘટનાગ્રસ્ત થયું હતું.

દુર્ઘટના બાદ બારામતી પોલીસ સ્ટેશનમાં અકસ્માત મોતનો ગુનો નોંધવામાં આવ્યો છે. CIDના અધિક પોલીસ મહાનિર્દેશક સુનિલ રામાનંદે પુષ્ટિ કરી છે કે હવે આ કેસની ઊંડાણપૂર્વક તપાસ CID કરશે. આ ઉપરાંત, કેન્દ્રીય નાગરિક ઉડ્ડયન મંત્રાલયની AAIB અને DGCA ની ટીમોએ પણ તપાસના ચક્રો ગતિમાન કર્યા છે.