ભિવંડી : ભિવંડી-નિઝામપુર મહાનગરપાલિકામાં મેયરની ચૂંટણી પહેલા જ મોટું રાજકીય ઉલટફેર જોવા મળ્યું છે, જેમાં ભારતીય જનતા પાર્ટીને જોરદાર ફટકો પડ્યો છે. ભાજપના 22 પૈકી 9 કોર્પોરેટરોએ બળવો કરી 'ભિવંડી સેક્યુલર ફ્રન્ટ'(BSF) નામે નવો જૂથ બનાવીને કોંગ્રેસના ગઠબંધનને સમર્થન જાહેર કર્યું છે. આ નવા ગઠબંધન સાથે કોંગ્રેસ-NCP(શરદ પવાર જૂથ) પાસે હવે 46 કોર્પોરેટરોનું સંખ્યાબળ થઈ ગયું છે, જે 90 બેઠકો ધરાવતી આ મહાનગરપાલિકામાં બહુમતી માટે જરૂરી આંકડો પાર કરી લે છે.

ચૂંટણી પરિણામો મુજબ, કોંગ્રેસ 30 બેઠકો સાથે સૌથી મોટા પક્ષ તરીકે ઉભરી આવી હતી, પરંતુ તેને સ્પષ્ટ બહુમતી મળી નહોતી. હવે ભાજપમાં પડેલા ભંગાણ અને શિંદે જૂથની શિવસેના તેમજ ભાજપ વચ્ચેના આંતરિક મતભેદોનો સીધો ફાયદો કોંગ્રેસને મળતો દેખાઈ રહ્યો છે. બીજી તરફ, સમાજવાદી પાર્ટીએ શિવસેનાને ટેકો આપ્યો હોવા છતાં, સમીકરણો હવે કોંગ્રેસની તરફેણમાં નમી ગયા છે. આ સ્થિતિમાં ભિવંડી-નિઝામપુરમાં કોંગ્રેસનો મેયર અને ડેપ્યુટી મેયર બનવાનો રસ્તો સાવ સાફ થઈ ગયો હોય તેમ જણાય છે.

પક્ષોનું નવું ગણિત (બેઠકોની વહેંચણી):