બિલ્કિસ બાનો કેસ: સુપ્રીમ કોર્ટે દિવ્યાંગ સહિત 2 દોષિતોની આજીવન કેદની સજા સ્થગિત કરી જામીન આપ્યા
November 17, 2026
વર્ષ 2002ના ગુજરાત રમખાણોના બહુચર્ચિત બિલ્કિસ બાનો ગેંગરેપ અને પરિવાર હત્યા કેસમાં સુપ્રીમ કોર્ટે બે દોષિતોની આજીવન કેદની સજા પર રોક લગાવીને મોટી રાહત આપી છે. કોર્ટે બંને દોષિતોને જામીન પર મુક્ત કરવાનો આદેશ કર્યો છે. આ બંને આરોપીઓ 17 વર્ષથી વધુ સમયથી જેલની સજા કાપી રહ્યા છે અને તેમાંથી એક વ્યક્તિ ગંભીર રીતે દિવ્યાંગ બની ચૂક્યો હોવાની હકીકતને ધ્યાનમાં રાખીને સર્વોચ્ચ અદાલતે આ નિર્ણય લીધો છે.
સુપ્રીમ કોર્ટ તરફથી જે બે દોષિતોને જામીન અને સજા મોકૂફીનો લાભ મળ્યો છે, તેમની ઓળખ વિપિનચંદ્ર કનૈયાલાલ જોશી અને પ્રદીપ રમણલાલ મોધિયા તરીકે થઈ છે. આ બંને વ્યક્તિઓ એ 11 દોષિતોમાં સામેલ છે, જેમની સમય પહેલાં કરવામાં આવેલી મુક્તિને સુપ્રીમ કોર્ટે જાન્યુઆરી 2024માં રદ કરી દીધી હતી. અદાલતે સ્પષ્ટ કર્યું છે કે તે આગામી સમયમાં આ દોષિતોની અપીલો પર સુનાવણી હાથ ધરશે અને તેમાં રહેલા તમામ તથ્યો તેમજ કાનૂની મુદ્દાઓની ઝીણવટભરી તપાસ કરશે.
અત્રે ઉલ્લેખનીય છે કે, આ અત્યંત સંવેદનશીલ કેસ વર્ષ 2002માં ગોધરા ટ્રેન હત્યાકાંડ બાદ ગુજરાતમાં ફાટી નીકળેલા તોફાનો અને રમખાણો સાથે જોડાયેલો છે. આ હિંસા દરમિયાન બિલ્કિસ બાનો પર ક્રૂરતાપૂર્વક સામૂહિક બળાત્કાર ગુજારવામાં આવ્યો હતો. આ ઉપરાંત, તોફાનીઓએ તેના પરિવારના સાત સભ્યોની પણ નિર્મમ હત્યા કરી નાખી હતી.
ગોઝારા રમખાણો દરમિયાન જ્યારે આ ભયાનક ઘટના ઘટી ત્યારે પીડિતા બિલ્કિસ બાનોની ઉંમર માત્ર 21 વર્ષની હતી અને તે પાંચ મહિનાની ગર્ભવતી પણ હતી. વર્ષો સુધી ચાલેલી કાનૂની લડાઈ બાદ તમામ દોષિતોને આજીવન કેદની સજા ફટકારવામાં આવી હતી, પરંતુ હવે 17 વર્ષના લાંબા જેલવાસ અને સ્વાસ્થ્યના કારણોસર સુપ્રીમ કોર્ટે હાલ પૂરતી બે દોષિતોને જામીન આપીને કાનૂની રાહત આપી છે.
Related Articles
ફેક ઈ-ચલણની લિંક મોકલી વડોદરાની મહિલા એન્જિનિયર સાથે ઠગાઈ
ફેક ઈ-ચલણની લિંક મોકલી વડોદરાની મહિલા એન...
Nov 08, 2026
ગંગોત્રી હાઈવે પર નદીમાં ખાબકી કાર, 4 ગુજરાતીઓના મોત
ગંગોત્રી હાઈવે પર નદીમાં ખાબકી કાર, 4 ગુ...
Nov 05, 2026
કોમનવેલ્થ ગેમ્સ 2030 માટે અમદાવાદની કાયાપલટ, રાજ્ય સરકારે રૂ. 40 હજાર કરોડના ઇન્ફ્રાસ્ટ્રક્ચર પ્રોજેક્ટ્સની જાહેરાત કરી
કોમનવેલ્થ ગેમ્સ 2030 માટે અમદાવાદની કાયા...
Nov 02, 2026
સાણંદના વિંછીયામાં અંધશ્રદ્ધાનો કહેર: વંશમાં કોઈ ભુવો ન બને તે માટે પિતાએ પુત્રની પછાડીને હત્યા કરી
સાણંદના વિંછીયામાં અંધશ્રદ્ધાનો કહેર: વં...
Nov 02, 2026
સરદાર પટેલ જયંતિએ રાષ્ટ્રપતિ અને અમિત શાહની પુષ્પાંજલિ; કોંગ્રેસ પર વારસો ભૂંસવાના પ્રયાસનો આરોપ
સરદાર પટેલ જયંતિએ રાષ્ટ્રપતિ અને અમિત શા...
Oct 31, 2026
દ્વારકામાં આસો સુદ પૂર્ણિમાએ ભક્તોનું ઘોડાપૂર ઉમટ્યું, પોલીસના ચુસ્ત બંદોબસ્ત વચ્ચે શ્રદ્ધાળુઓએ દર્શન કર્યા
દ્વારકામાં આસો સુદ પૂર્ણિમાએ ભક્તોનું ઘો...
Oct 27, 2026
Trending NEWS
16 November, 2026
16 November, 2026
16 November, 2026
14 November, 2026
12 November, 2026
08 November, 2026
08 November, 2026
08 November, 2026
08 November, 2026
08 November, 2026