છોટા ઉદેપુર: AAP જિલ્લા પ્રમુખ રાધિકા રાઠવા સામે FIR, પોલીસ પર ગંભીર આક્ષેપો કરવા બદલ બોડેલીમાં ગુનો

May 09, 2026

છોટા ઉદેપુર : છોટાઉદેપુરમાં આમ આદમી પાર્ટીના જિલ્લા પ્રમુખ રાધિકા રાઠવા સામે બોડેલી પોલીસ સ્ટેશનમાં ફરિયાદ નોંધાઈ છે. સોશિયલ મીડિયામાં પોલીસ અંગે ભ્રામક માહિતી ફેલાવ્યાનો ફરિયાદમાં આરોપ મૂકવામાં આવ્યો છે. સમગ્ર મામલે પોલીસે ભારતીય ન્યાય સંહિતાની વિવિધ કલમો હેઠળ ગુનો નોંધીને આગળની કાર્યવાહી હાથ ધરી છે. બોડેલી પોલીસ દ્વારા AAP જિલ્લા પ્રમુખ રાધિકા રાઠવા વિરુદ્ધ નોન-કોગ્નિઝેબલ ગુનો દાખલ કર્યો છે. જેમાં ઇન્સ્ટાગ્રામ પર અપલોડ કરાયેલા વીડિયોને લઈ કાર્યવાહી કરવામાં આવી છે. સોશિયલ મીડિયા પર શેર કરવામાં આવેલા વીડિયોમાં પોલીસની છબી ખરડવાનો પ્રયાસ કર્યાનો આરોપ લગાવ્યો છે. AAP જિલ્લા પ્રમુખ રાધિકા રાઠવાએ એક વીડિયો જાહેર કરીને  AAPના ચૂંટાયેલા સભ્યોને પ્રલોભન અને ડરાવવાનો પોલીસ પર આક્ષેપ કર્યા હતા. વીડિયોમાં પોલીસ દલાલી કરતી હોવાના શબ્દોનો પ્રયોગ કર્યો હતો.