ઇઝરાયલની હમાસ સાથે ઘણા સમયથી લડાઈ ચાલી રહી છે. બંને બાજુ વધારે ઘર્ષણ થવાનું મુખ્ય કારણ બને દેશના બંધકોની મુક્તિ છે. એવામાં હવે ઇઝરાયલના કડક કડક વલણ સામે હમાસ નબળું પડ્યું હોય કઈક એવો ઘાટ ઘડાયો છે. હમાસ છેલ્લા ઘણા સમયથી ઇઝરાયલ સામે ટક્કર લઈ રહ્યું છે. પરંતુ પેલેસ્ટાઇન હવે પોતાનું વર્ચસ્વ ગુમાવી રહ્યું હોય કઈક એવું લાગી રહ્યું છે. કેમ કે હમાસે 60 દિવસના યુદ્ધવિરામ પ્રસ્તાવને સ્વીકારી લીધો છે જેમાં ઇઝરાયલી બંધકોની મુક્તિના બદલામાં પેલેસ્ટિનિયન કેદીઓની મુક્તિનો સમાવેશ થાય છે. 

હમાસે આ જે સ્વીકૃતિ દર્શાવી છે એ ગાઝામાં વધતા માનવતાવાદી સંકટને કારણે પણ સ્વીકારી હોય હાલ એવું રાજનૈતિક વિવેચકો માની રહ્યા છે. જ્યારથી ઇઝરાયલની સમગ્ર ગાઝા પર કબજો કરવાની યોજના જાહેર થઈ હતી ત્યારથી યુદ્ધવિરામ વાટા ઘાટોને વધારે તીવ્ર બનાવવાના પ્રયાસ ચાલી રહ્યા છે.

ઇઝરાયલની યોજના સામે આવતાજ ઇજિપ્ત અને કતાર બંને પક્ષો સાવધાન થઈને હવે જગત જમાદાર અમેરિકાને વચ્ચે રાખીને પરોક્ષ વાટાઘાટો ફરી શરૂ કરવા માંગે છે. હમાસે ઇજિપ્ત-કતાર દ્વારા રજૂ કરાયેલ યુદ્ધવિરામ પ્રસ્તાવ સ્વીકાર્યો અને ઇઝરાયલને પોતાનો પ્રતિભાવ મોકલ્યો. હવે ઇઝરાયલ ગાઝા યુદ્ધવિરામ પ્રસ્તાવ પર હમાસના પ્રતિભાવનો અભ્યાસ કરી રહ્યું છે.