અમેરિકામાં રવિવારે અને સોમવારે બે અલગ અલગ જગ્યાઓ પર ગોળીબારીની ઘટના ઘટવા પામી છે. ન્યૂયોર્ક સિટી અને વેસ્ટ વર્જીનિયામાં થયેલી આ ઘટના 5 લોકોના મોત થયા છે. જ્યારે અનેક લોકો ઘાયલ થયા છે. તો ન્યૂયોર્ક સિટીમાં બનેલી આ ઘટનામાં બે ફરાર બદમાશોની શોધખોળ કરવામાં આવી રહી છે.

ન્યૂયોર્ક ના બ્રુકલિન વિસ્તારની ટેસ્ટ ઓફ ધ સિટી લોન્જ બારમાં રવિવારે સવારે થયેલા ફાયરિંગમાં 3 લોકોના મોત નીપજ્યા છે.જેમાં બે હુમલાખોર સામેલ હતા. પોલીસે જણાવ્યુ કે, 35 વર્ષી જેમેલ ચાઇલ્ડ્સ અને 19 વર્ષીય માર્વિન સેન્ટ લુઇસ વચ્ચે વિવાદ થયો અને થોડાક સમય બાદ બંનેએ એકબીજા પર ગોળી ચલાવી. બંનેનું હોસ્પિટલમાં સારવાર દરમિયાન મોત નીપજ્યું. ત્રીજો જે વ્યક્તિ મોતને ભેટ્યો તે 27 વર્ષીય અમાદૂ ડાયલો હતો. જેને પોલીસે ત્યાંનો સ્થાનિક બતાવ્યો છે.