અમેરિકી રાષ્ટ્રપતિ ડોનાલ્ડ ટ્રમ્પ ટેરિફ અને તેની સાથે જોડાયેલા અનેક નિવેદનને લઇને આખી દુનિયામાં ચર્ચાનો વિષય બન્યા છે. ભારત પર તેમણે 50 ટકા ટેરિફ લગાવવાની વાત કરી છે. ચીન સાથે તેમના સંબંધો ઘણા ખરા બગડી ચૂક્યા છે પરંતુ ક્યાંકને ક્યાંક હાલ તેમની વચ્ચે સુધાર થતો જોવા મળી રહ્યો છે.

રાષ્ટ્રપતિ ડોનાલ્ડ ટ્રમ્પે ચીન પર ટેરિફની સીમાને 90 દિવસ માટે આગળ વધારવાના આદેશ પર હસ્તાક્ષર કર્યા છે. મીડિયા રિપોર્ટસ પ્રમાણે વ્હાઇટ હાઉસના એક અધિકારીએ જણાવ્યુ કે, આ નિર્ણય ચીન પર મધ્યરાત્રિની સમય સીમાના કેટલાંક કલાકો પહેલા જ લેવામાં આવ્યો. જોકે પાછલાં 90 દિવસનો પ્રતિબંધ સમાપ્ત થવાનો છે.