બાંગ્લાદેશમાં ફરી હિંસા: નેતાઓ-કાર્યકરોના 30થી વધુ મકાનોને આગચંપી
November 22, 2026
BNP નેતાઓની હત્યાનો વળતો હુમલો
નરૈલ : બાંગ્લાદેશમાં રાજકીય હિંસાએ ફરી એકવાર ઉગ્ર સ્વરૂપ ધારણ કર્યું છે. દેશના નરૈલ જિલ્લાના કાલિયા ઉપજિલ્લા સ્થિત બેન્દારચર ગામમાં પૂર્વ વડાપ્રધાન શેખ હસીનાની પાર્ટી 'અવામી લીગ'ના નેતાઓ અને કાર્યકરોની મિલકતો પર મોટા પાયે હુમલા કરીને અંદાજે 30 થી વધુ મકાનો અને અનેક દુકાનોને આગ ચાંપી દેવામાં આવી છે. શુક્રવાર (20 નવેમ્બર) બપોરથી શરૂ થયેલી આ હિંસા મોડી રાત સુધી ચાલુ રહી હતી, જેમાં લૂંટફાટ અને તોડફોડ પણ કરવામાં આવી હતી. દેશના અન્ય ભાગોમાં પણ હિંસા ફેલાતા સુરક્ષા દળોનો કાફલો તૈનાત કરી દેવામાં આવ્યો છે. સ્થાનિક મીડિયા 'પ્રથમ આલો' અને 'bdnews24'ના અહેવાલ મુજબ, બેન્દારચર ગામ ઉપરાંત બરદિયા બજાર વિસ્તારમાં પણ ઘણી દુકાનોમાં આગ લગાડવામાં આવી હતી. આ હુમલાઓમાં અવામી લીગના પૂર્વ સાંસદ બી.એમ. કબીરુલ હક મુક્તિનું પૈતૃક નિવાસસ્થાન, કાલિયા નગરપાલિકાના પૂર્વ મેયર મુશફિકુર રહેમાન લિટન અને સ્થાનિક પાર્ટી મહાસચિવ કૃષ્ણપદ ઘોષના ઘરોને પણ નિશાન બનાવીને આગને હવાલે કરવામાં આવ્યા હતા.
કાલિયા ફાયર સર્વિસ સ્ટેશન ઓફિસર હુમાયુ કબીરે જણાવ્યું હતું કે, શુક્રવારે સાંજે 4 વાગ્યાની આસપાસ આગ લાગવાની માહિતી મળી હતી. પરંતુ હુમલાખોરોએ રસ્તા પર ઝાડ પાડીને અવરોધ ઊભો કર્યો હોવાથી ફાયર બ્રિગેડની ટીમ તાત્કાલિક ઘટનાસ્થળે પહોંચી શકી ન હતી. ટીમ પહોંચી ત્યાં સુધીમાં મોટાભાગની આગ ઓલવાઈ ગઈ હતી અને ઓછામાં ઓછા 20થી 25 પરિવારોના 50થી વધુ રહેણાંક માળખા બળીને ખાખ થઈ ગયા હતા.
આ સમગ્ર હિંસા પાછળનું તાત્કાલિક કારણ બુધવારે (18 નવેમ્બર) સાંજે બનેલી એક ઘટના હોવાનું મનાય છે. અવામી લીગના સભ્યો દ્વારા કથિત હિંસાના વિરોધમાં કાલિયા ખાતે બાંગ્લાદેશ નેશનાલિસ્ટ પાર્ટી (BNP) દ્વારા એક સરઘસ કાઢવામાં આવ્યું હતું. આ સરઘસ પર થયેલા હુમલામાં BNPના બે સ્થાનિક નેતાઓના મોત થયા હતા અને અન્ય ઘણા લોકો ઘાયલ થયા હતા. BNPના નેતાઓ અને કાર્યકરોએ આ હત્યાઓ માટે અવામી લીગના સભ્યોને જવાબદાર ઠેરવ્યા હતા. સ્થાનિક પોલીસના જણાવ્યા અનુસાર, મૃતકોના સંબંધીઓ અને સમર્થકોએ અન્ય લોકો સાથે મળીને હત્યામાં સામેલ હોવાની શંકા ધરાવતા અવામી લીગના કાર્યકરોના ઘરો પર વળતો હુમલો કર્યો હતો.
Related Articles
આંતરરાષ્ટ્રીય ફિલ્મ ફેસ્ટિવલ એવોર્ડ્સમાં વૈશ્વિક પ્રતિભાઓનું પણ સન્માન
આંતરરાષ્ટ્રીય ફિલ્મ ફેસ્ટિવલ એવોર્ડ્સમાં...
Nov 22, 2026
ઈઝરાયલમાં નેતન્યાહુ અને આઈઝનકોટ વચ્ચે ગઠબંધનની અટકળો
ઈઝરાયલમાં નેતન્યાહુ અને આઈઝનકોટ વચ્ચે ગઠ...
Nov 22, 2026
બાંગ્લાદેશમાં ફરી હિંસાના એંધાણ: મંત્રી હુમાયુ કબીરના નિવાસે અજાણ્યા શખ્સોએ કપડાં નાખી આગ લગાવી
બાંગ્લાદેશમાં ફરી હિંસાના એંધાણ: મંત્રી...
Nov 21, 2026
કરાચીમાં 45 ગાર્ડ વચ્ચે રહેતો દાઉદ ડ્રગ્સ-હવાલાનું નેટવર્ક ચલાવે છે: પૂર્વ FBI એજન્ટનો દાવો
કરાચીમાં 45 ગાર્ડ વચ્ચે રહેતો દાઉદ ડ્રગ્...
Nov 21, 2026
બાંગ્લાદેશ ભડકે બળ્યું! વિસ્ફોટ-હિંસા વચ્ચે મુહમ્મદ યુનુસનું ઘર, પોલીસ સ્ટેશન ફૂંકી માર્યા
બાંગ્લાદેશ ભડકે બળ્યું! વિસ્ફોટ-હિંસા વચ...
Nov 20, 2026
વિશ્વનું નવું પાવર સેન્ટર: ટ્રમ્પ-પુતિન-જિનપિંગની ઐતિહાસિક બેઠક પૂર્ણ
વિશ્વનું નવું પાવર સેન્ટર: ટ્રમ્પ-પુતિન-...
Nov 20, 2026
Trending NEWS
21 November, 2026
20 November, 2026
20 November, 2026
20 November, 2026
20 November, 2026
20 November, 2026
20 November, 2026
20 November, 2026
20 November, 2026
19 November, 2026