દક્ષિણ કોરિયામાં કુદરતી કહેર જોવા મળી રહ્યુ છે. જેના કારણે રસ્તા પર નદીઓ જેવું વહેણ સર્જાયુ છે. ભારે વરસાદના કારણે સ્થાનિકોનું જન-જીવન અસ્તવ્યસત થયુ છે. રોજિંદા કામો ખોરવાયા છે. આ વરસાદી સંકટમાં 18 લોકોના મોત અને અનેક સ્થાનિકો ગુમ થયા છે. દક્ષિણ કોરિયામાં ભારે વરસાદથી તબાહી સર્જાઇ છે.

મંત્રાલયના જણાવ્યા અનુસાર હમણા સુધીમાં જેટલા લોકો ગુમ થાય છે. તે વિસ્તારમાં ભયનો માહોલ છે. રાજધાની સિયોલની નજીક 62 કિમી ઉત્તર-પૂર્વમાં સ્થિત ગૈપ્યોન્ગમાં પૂરનું સંકટ ઘેરુ બન્યુ છે. અહીં 17 કલાકનો વરસાદ નોંધાયો છે. ગૈપ્યોન્ગ એ એવા વિસ્તારોમાં સામેલ છે જ્યાં એક દિવસમાં જ રેકોર્ડ તોડ વરસાદ નોંધાયો છે. 30 સપ્ટેમ્બર 1998ના રોજ અહીં વરસાદને પોતાનો અલગ જ રેકોર્ડ નોંધાવ્યો હતો.

સ્થાનિકોએ જણાવ્યુ હતુ કે, જમીન ધસી પડવી, પૂરનું સંકટ, ભારે વરસાદથી તબાહી સર્જાઇ છે. બજાર, ઘર અને ઓફિસોમાં પાણી ભરાયા છે. જેના કારણે અનાજ અને સામાનને મોટું નુકસાન પહોંચ્યુ છે. રસ્તા પર વાહનોના સ્થાને હોડી ચાલી રહી છે. ભારે વર્ષાના કારણે અહીં મોટુ નુકસાન થયુ છે. જેના કારણે સ્થાનિકોના ભવિષ્ય પર ખતરો ઉભો થયો છે.