Breaking News :
વાયદા બજારમાં કડાકો : સોનું એકઝાટકે 2500થી વધુ તૂટી દોઢ લાખની નીચે, ચાંદીમાં 4500નો ઘટાડો અપાચે હેલિકોપ્ટર તોડી પાડ્યાનો આરોપ લગાવી અમેરિકાએ ઈરાન પર સૈન્ય કાર્યવાહી શરૂ કરી, ઈરાને પણ વળતો જવાબ આપ્યો નવી ઔદ્યોગિક નીતિમાં અલ્ટ્રા મેગા ઉદ્યોગોની અલગ કેટેગરી બનશે, રોકાણ પર 40% સુધીનું ઇન્સેન્ટિવ અને વિશેષ લાભો મળશે અમદાવાદ-વડોદરા એક્સપ્રેસવે પર પીકઅપ વાહને રિવર્સ મારતાં ગમખ્વાર અકસ્માત, પત્ની અને બાળકોની સામે જ પતિ કારમાં જીવતો ભૂંજાયો પાકિસ્તાની સેના દ્વારા હવાઈ સરહદનું ઉલ્લંઘન, અફઘાનિસ્તાનમાં બોમ્બમારો કરતાં 11 માસૂમ બાળકો સહિત 13 લોકોના મોત ભારતીય કંપનીઓ પર પ્રતિબંધ મૂકવાની યુરોપિયન યુનિયનની તૈયારી

વાયદા બજારમાં કડાકો : સોનું એકઝાટકે 2500થી વધુ તૂટી દોઢ લાખની નીચે, ચાંદીમાં 4500નો ઘટાડો

June 10, 2026

વૈશ્વિક પરિસ્થિતિઓ અને મિડલ ઈસ્ટમાં વધી રહેલા ભૌગોલિક-રાજકીય તણાવ વચ્ચે ભારતીય કોમોડિટી માર્કેટ એટલે કે એમસીએક્સ (MCX) પર સોના અને ચાંદીના ભાવમાં મોટું ગાબડું પડ્યું છે. છેલ્લા કેટલાક સમયથી સતત નવી ઊંચાઈ સર કરી રહેલા સોના અને ચાંદીમાં આજે જોરદાર વેચવાલી જોવા મળી રહી છે, જેના કારણે બંને કિંમતી ધાતુઓના ભાવ તળિયે બેસી ગયા છે.

સોનામાં ₹2,500 થી વધુનો ઘટાડો

સોનામાં આજે જોરદાર કડાકો જોવા મળ્યો. લાંબા સમય બાદ આજે સોનું એકઝાટકે 2500 રૂપિયાથી વધુ તૂટીને દોઢ લાખથી સપાટી ગુમાવી બેઠું હતું. જોકે ટ્રેડિંગ દરમિયાન ફરી એકવાર તે દોઢ લાખને પાર હાલમાં ટ્રેડ કરી રહ્યો છે. 

જૂનો બંધ ભાવ (Prev. Close): સોનું અગાઉના સત્રમાં ₹1,52,443.00 ના સ્તર પર બંધ થયું હતું.

નવો ઓપન ભાવ (Open): આજે બજાર ખુલતાની સાથે જ સોનું જોરદાર કડાકા સાથે ₹1,49,926.00 પર ઓપન થયું હતું, એટલે કે તે સીધું ₹1.50 લાખની માનસિક સપાટીની નીચે સરકી ગયું હતું.

સમાચાર લખાવા સુધી: બજાર ખુલ્યા બાદ સોનામાં સામાન્ય સુધારો જોવા મળ્યો છે અને હાલમાં તે ₹1,50,118.00 ની સપાટી પર ટ્રેડ થઈ રહ્યો છે. જો કે, અગાઉના બંધ ભાવની સરખામણીએ તે હજી પણ ₹2,325.00 (1.53%) ના પ્રચંડ ઘટાડા સાથે લાલ નિશાન પર કારોબાર કરી રહ્યું છે. ટ્રેડિંગ દરમિયાન સોનાએ ₹1,49,888.00 નો લો (Low) અને ₹1,50,500.00 નો હાઈ (High) બનાવ્યો છે. સોનું આજે કુલ 2555નો કડાકો બતાવી ચૂક્યો છે. 

ચાંદી પણ ₹4500 થી વધુ તૂટી

બીજી તરફ, ચાંદીના વાયદા બજારમાં પણ ભારે ધોવાણ જોવા મળ્યું છે. ચાંદીમાં આજે કુલ 4528 રૂપિયા સુધી એકઝાટકે તૂટી હતી. જોકે પછીથી રિકવરી બતાવતા તે 1800 રૂપિયા જેટલી રિકવર થઇ હતી. 

જૂનો બંધ ભાવ (Prev. Close): ચાંદી અગાઉના ટ્રેડિંગ સેશનમાં ₹2,38,528.00 ના સ્તરે બંધ થઈ હતી.

નવો ઓપન ભાવ (Open): આજે બજાર ઓપન થતાની સાથે જ ચાંદી સીધી ₹2,34,009.00 ના ભાવે ખુલી હતી. ઓપનિંગમાં જ ચાંદીના ભાવમાં ₹4,528 નો મસમોટો કડાકો જોવા મળ્યો હતો.