સિંગાપોરની એક જાણીતી હૉસ્પિટલમાં સ્ટાફ નર્સ તરીકે કામ કરતા એક ભારતીય નાગરિકને છેડતીના ગંભીર આરોપમાં દોષ કબૂલ કર્યા બાદ સજા ફટકારવામાં આવી છે. 34 વર્ષીય એલિપ શિવ નાગુને કોર્ટે એક વર્ષ અને બે મહિનાની જેલની સજાની સાથે બે કોરડા મારવાની સજા પણ સંભળાવી છે.

મીડિયા રિપોર્ટ્સ મુજબ, આ ઘટના જૂન મહિનામાં રાફલ્સ હૉસ્પિટલમાં બની હતી. એલિપે એક પુરુષ મુલાકાતીની છેડતી કરી હતી, પરંતુ તેણે દાવો કર્યો હતો કે તે પીડિતને સેનીટાઇઝ (disinfect)કરવા માંગતો હતો.

ડેપ્યુટી પબ્લિક પ્રોસિક્યુટર (DPP) યુજીન ફુઆએ કોર્ટને જણાવ્યું હતું કે 18 જૂને પીડિત તેના દાખલ દાદાને મળવા માટે હૉસ્પિટલ આવ્યો હતો. સાંજે લગભગ 7.30 વાગ્યે, પીડિત દર્દીઓ માટેના શૌચાલયમાં હતો ત્યારે એલિપે અંદર ડોકિયું કર્યું. ત્યારબાદ, સેનીટાઇઝ કરવાના બહાને પીડિત સાથે છેડતી કરી હતી.