Breaking News :
શેરબજારમાં હાહાકાર! સેન્સેક્સ 600 પોઈન્ટ તૂટતાં રોકાણકારોના ₹6 લાખ કરોડ એક ઝાટકે સ્વાહા યુપીના કન્નૌજ ડબલ મર્ડર : લૂંટના ઈરાદે દંપતીની હત્યા કરી પત્નીના મૃતદેહ પર 5 વાર દુષ્કર્મ કર્યું, આરોપીને પોલીસે ગોળીએ વિંધ્યો ફિલિપાઈન્સ ક્વાડની બેઠક ફોટોસેશનમાં PM મોદીએ જમીન પર પડેલું તિરંગાવાળું સ્પોટ માર્કર ઉપાડી સૌનાં દિલ જીત્યાં કાઉન્ટર ટેરરિઝમ ઓપરેશનમાં સુમેળ માટે ફોર્સ-1 અને મહારાષ્ટ્ર ATS હવે એક જ કમાન્ડ હેઠળ કેનેડાનો મોટો નિર્ણય! 2027માં 2 લાખ લોકોને PR મેળવવામાં મદદ મળશે, પરંતુ કોને મળશે આ તક? સુરત-નવસારી વચ્ચે વંદે ભારત ટ્રેન પર પથ્થરમારો, C-4 કોચનો કાચ તૂટતા મુસાફરોમાં ફફડાટ

શેરબજારમાં હાહાકાર! સેન્સેક્સ 600 પોઈન્ટ તૂટતાં રોકાણકારોના ₹6 લાખ કરોડ એક ઝાટકે સ્વાહા

November 18, 2026

બુધવારે ભારતીય શેરબજારમાં અચાનક મોટો કડાકો જોવા મળ્યો હતો સેન્સેક્સ અને નિફ્ટીએ દિવસની ધીમી શરૂઆત કરી હતી, પરંતુ જેમ-જેમ કારોબાર આગળ વધ્યો તેમ બંને ઇન્ડેક્સમાં ભારે વેચવાલી જોવા મળી હતી. બપોરે 1 વાગ્યાની આસપાસ બોમ્બે સ્ટોક એક્સચેન્જનો 30 શેરવાળો સેન્સેક્સ 600થી વધુ પોઈન્ટના ઘટાડા સાથે કારોબાર કરી રહ્યો હતો, જ્યારે નેશનલ સ્ટોક એક્સચેન્જનો નિફ્ટી ઇન્ડેક્સ પણ 200થી વધુ પોઈન્ટ ગગડ્યો હતો.

બુધવારે શેરબજારના પ્રદર્શન પર નજર કરીએ તો, બીએસઈ સેન્સેક્સ તેના પાછલા બંધ 82,532ની સરખામણીએ ઘટાડા સાથે 82,376ના સ્તરે ખુલ્યો હતો અને થોડા જ સમયમાં આ ઘટાડો મોટા કડાકામાં ફેરવાઈ ગયો હતો. કારોબાર દરમિયાન સેન્સેક્સ 600થી વધુ પોઈન્ટ તૂટીને 81,780ના સ્તર પર આવી ગયો હતો.

સેન્સેક્સની સાથે સાથે એનએસઈ નિફ્ટી પણ વિખેરાયો હતો. 50 શેરવાળા નિફ્ટી ઇન્ડેક્સે મંગળવારના બંધ 25,387ની સામે સામાન્ય ઘટાડા સાથે 25,323 પર ઓપનિંગ કર્યું હતું, પરંતુ ત્યારબાદ તેમાં ઘટાડાની ગતિ તેજ બની હતી અને તે 200થી વધુ પોઈન્ટ ઘટીને 25,141ના સ્તર પર પહોંચી ગયો હતો.

શેરબજારમાં જોવા મળેલા આ મોટી કડાકાને કારણે રોકાણકારોને ભારે નુકસાન વેઠવું પડ્યું છે. બોમ્બે સ્ટોક એક્સચેન્જ પર લિસ્ટેડ કંપનીઓનું કુલ માર્કેટ કેપિટલાઇઝેશન (BSE MCap) પાછલા કારોબારી દિવસના બંધ સમયના ₹5,11,71,121.57 કરોડથી ઘટીને ₹5,05,71,089.33 કરોડ પર આવી ગયું હતું. આ ગણતરી મુજબ, બજારમાં રોકાણ કરનારાઓના ₹6,00,032 કરોડ ડૂબી ગયા છે.

બજારના આ કડાકા વચ્ચે લાર્જકેપ અને મિડકેપ કેટેગરીના અનેક મોટા શેરો ધરાશાયી થયા હતા. બીએસઈની લાર્જકેપ કેટેગરીમાં સામેલ ટાઈટનનો શેર 4.10%, બજાજ ફાઇનાન્સ 2.30%, Eternal 2.25% અને TCSનો શેર 2.20%ના ઘટાડા સાથે ટ્રેડ કરી રહ્યો હતો.

આ ઉપરાંત મિડકેપ કેટેગરીમાં સામેલ National Aluminiumનો શેર 4.60%, Dixon 3.40%, KEI 3.10%, AU Bank 2.50% અને MPhasisનો શેર 2.40% સુધી ઘટીને કારોબાર કરી રહ્યા હતા.