Maharashtra Election: મહારાષ્ટ્રમાં મુખ્યમંત્રીનો ચહેરો સ્પષ્ટ બન્યો છે. આજે મુંબઈમાં નાણા મંત્રી નિર્મલા સીતારમણની હાજરીમાં આયોજિત ભાજપ ધારાસભ્ય દળની બેઠકમાં આ જાહેરાત કરવામાં આવી હતી. આવતીકાલે સાંજે પાંચ વાગ્યે મુંબઈના આઝાદ મેદાનમાં તેઓ મુખ્યમંત્રી પદે શપથ ગ્રહણ કરશે. ફડણવીસ ત્રીજી વખત મહારાષ્ટ્રમાં મુખ્યમંત્રી તરીકે સત્તાની કમાન સંભાળશે. દેવેન્દ્ર ફડણવીસ પાસે કરોડોની સંપત્તિ છે. જેનો ખુલાસો ચૂંટણી પંચ સમક્ષ ઉમેદવારી પત્રમાં થયો હતો.

મહારાષ્ટ્રના નવા સીએમ ફડણવીસ પાસે કુલ રૂ. 13.27 કરોડની નેટવર્થ છે. જ્યારે 62 લાખનું દેવું છે. દેવેન્દ્ર ફડણવીસે 2023-24માં કુલ 79.3 લાખની વાર્ષિક કમાણી કરી હતી. તે અગાઉના વર્ષે રૂ. 92.48 લાખ હતી. મુખ્યમંત્રી શેરમાર્કેટ, બોન્ડ અને ડિબેન્ચર્સમાં કોઈપણ પ્રકારનું રોકાણ ધરાવતા નથી.