પ્રધાનમંત્રી નરેન્દ્ર મોદીને બ્રાઝિલ સરકારના સર્વોચ્ચ નાગરિક સન્માન 'નેશનલ ઓર્ડર ઓફ ધ સધર્ન ક્રોસ'થી સમ્માનિત આવ્યા છે. આ સમ્માન બ્રાઝિલ સરકાર દ્વારા બંને દેશો વચ્ચે દ્વિપક્ષીય સંબંધોને મજબૂત બનાવવામાં મહત્વપૂર્ણ ભૂમિકા ભજવનાર વ્યક્તિઓને આપવામાં આવે છે. આ પુરસ્કાર પ્રધાનમંત્રી મોદીના નેતૃત્વમાં ભારત અને બ્રાઝિલના રાજકીય, આર્થિક અને સામાજિક ક્ષેત્રોમાં સહયોગને પ્રોત્સાહન આપવા બદલ આપવામાં આવ્યો છે.

'નેશનલ ઓર્ડર ઓફ ધ સધર્ન ક્રોસ' બ્રાઝિલનો સૌથી પ્રતિષ્ઠિત નાગરિક પુરસ્કાર છે, જે સામાન્ય રીતે વિદેશી દેશોના અગ્રણી નેતાઓ અને રાષ્ટ્રોની પ્રતિષ્ઠિત હસ્તીઓને આપવામાં આવે છે. આ પુરસ્કારની સ્થાપના 1822માં કરવામાં આવી હતી અને તેના દ્વારા બ્રાઝિલ તેના વૈશ્વિક ભાગીદારો પ્રત્યે આદર અને કૃતજ્ઞતા વ્યક્ત કરે છે. નરેન્દ્ર મોદી સિવાય ઘણા અન્ય વૈશ્વિક નેતાઓને પણ આ પુરસ્કારથી સન્માનિત કરવામાં આવ્યા છે.

પ્રધાનમંત્રી નરેન્દ્ર મોદીએ કહ્યું કે આ આપણા ઊંડા પરસ્પર વિશ્વાસનું પ્રતીક છે. આપણે આપણા સંરક્ષણ ઉદ્યોગોને જોડવાના પ્રયાસો ચાલુ રાખીશું. બુદ્ધિમત્તા અને સુપર કોમ્પ્યુટર્સમાં આપણો સહયોગ વધી રહ્યો છે. આ સમાવિષ્ટ વિકાસ અને માનવ-કેન્દ્રિત નવીનતાની આપણી સામાન્ય વિચારસરણીનો પુરાવો છે.